影片
更多
2023-09-19
51 瀏覽
中午約咗朋友食飯，朋友鍾意食拉麵，喺公司附近搵咗一間日本🇯🇵過江龍拉麵店。我哋等咗一陣好快有位，侍應服務態度好好👍🏻，而且座位好舒適。我叫咗個鹽 慢煮豬🐷拉麵，上面蔥絲切得非常幼細，睇得出連配菜都用心製作👍🏻，豬肉片開頭我擔心會好硬，但咬落口感非常驚喜🤩，非常嫩滑，值得推介。另外，拉麵份量足夠，口感彈牙煙靭🫶。湯底方面，開頭擔心鹽味會好鹹，但係個湯底除咗鹹味仲帶有少少甜味，所以湯底非常出色。😎朋友本身想食限定嘅濃厚拉麵，但好可惜已經賣晒🥲，唯有下次再早啲黎試， 所以佢最後叫左醬油拉麵，醬油拉麵都好出色，湯底唔止有濃濃既醬油味， 仲有淡淡鰹魚味，唔單止仲有好香既蔥油味，配埋拉麵上面既蔥花，真係好夾。拉麵配有慢煮雞肉同醬油叉燒， 肉既份量非常足夠😁，唔會只係得薄薄一片，叉燒好入味唔會太肥，雞肉唔鞋口。另外，我哋嗌咗一個大嘅唐揚炸雞🐔一齊share 食，炸雞新鮮即炸非常脆口，炸粉唔會過厚，雞肉保持肉汁，簡直想一試再試。😋
我哋等咗一陣好快有位，侍應服務態度好好👍🏻，而且座位好舒適。
我叫咗個鹽 慢煮豬🐷拉麵，上面蔥絲切得非常幼細，睇得出連配菜都用心製作👍🏻，豬肉片開頭我擔心會好硬，但咬落口感非常驚喜🤩，非常嫩滑，值得推介。另外，拉麵份量足夠，口感彈牙煙靭🫶。湯底方面，開頭擔心鹽味會好鹹，但係個湯底除咗鹹味仲帶有少少甜味，所以湯底非常出色。😎
朋友本身想食限定嘅濃厚拉麵，但好可惜已經賣晒🥲，唯有下次再早啲黎試， 所以佢最後叫左醬油拉麵，醬油拉麵都好出色，湯底唔止有濃濃既醬油味， 仲有淡淡鰹魚味，唔單止仲有好香既蔥油味，配埋拉麵上面既蔥花，真係好夾。拉麵配有慢煮雞肉同醬油叉燒， 肉既份量非常足夠😁，唔會只係得薄薄一片，叉燒好入味唔會太肥，雞肉唔鞋口。
另外，我哋嗌咗一個大嘅唐揚炸雞🐔一齊share 食，炸雞新鮮即炸非常脆口，炸粉唔會過厚，雞肉保持肉汁，簡直想一試再試。😋
張貼
