影片
更多
2019-01-14
235 瀏覽
識我嘅都知我如果係香港食魚生刺身，通常都係一件起，兩件止，之後就放低對筷子...而呢一餐，所有刺身同壽司，我差唔多由頭食到落尾！😍食 Omakase 其實真係唔平，亦都有分水準高與低，可以遇到一間係節日/紀念日值得花錢去食嘅都已經非常難得。連前菜同個湯都做得咁有心思咁靚，等我認真介紹下呢一間比大家認識😂呢一晚食Omakase嘅每一款食物，就連我呢個對刺身要求極高嘅麻煩友都舉手指公！我地食嘅呢個 Oka (丘) 用料新鮮又滿佈心思，每件都好似藝術品咁！工作態度直接影響味道，店員同師傅都係一流，招呼同介紹都做到足，仲識搞氣氛，未食都已經加五十分！◎ 前菜三點 - 呢款前菜非常有層次，要由最鮮嘅海膽食起，然後到味道漸濃嘅鴨胸，最後先係食味道最強烈嘅芝士燒！鮮甜海膽連埋特制腐皮食落另有一番風味！師傅見我地食完前菜，就開始為我地炮製刺身！刺身係師傅喺我地面前逐款逐款製作，然後即整即上枱，保證以最快速度比我地嚐鮮，食材質素一食落去就知高質到不得了😍◎ 帶子刺身 - 勁大粒嘅珍寶帶子開半都一樣咁有份量，上面放咗少少抺茶粉，小小茶嘅甘香令到帶子鮮味更加突出，入口好爽甜！◎ 響螺刺身 - 爽口又觧甜，一
食 Omakase 其實真係唔平，亦都有分水準高與低，可以遇到一間係節日/紀念日值得花錢去食嘅都已經非常難得。連前菜同個湯都做得咁有心思咁靚，等我認真介紹下呢一間比大家認識😂
呢一晚食Omakase嘅每一款食物，就連我呢個對刺身要求極高嘅麻煩友都舉手指公！我地食嘅呢個 Oka (丘) 用料新鮮又滿佈心思，每件都好似藝術品咁！工作態度直接影響味道，店員同師傅都係一流，招呼同介紹都做到足，仲識搞氣氛，未食都已經加五十分！
◎ 前菜三點 - 呢款前菜非常有層次，要由最鮮嘅海膽食起，然後到味道漸濃嘅鴨胸，最後先係食味道最強烈嘅芝士燒！鮮甜海膽連埋特制腐皮食落另有一番風味！
師傅見我地食完前菜，就開始為我地炮製刺身！刺身係師傅喺我地面前逐款逐款製作，然後即整即上枱，保證以最快速度比我地嚐鮮，食材質素一食落去就知高質到不得了😍
◎ 帶子刺身 - 勁大粒嘅珍寶帶子開半都一樣咁有份量，上面放咗少少抺茶粉，小小茶嘅甘香令到帶子鮮味更加突出，入口好爽甜！
◎ 響螺刺身 - 爽口又觧甜，一件接一件停唔到口！
◎ 金目鯛刺身 - 金目鯛嘅魚皮有稍為灼過，入口除左鮮，仲多左一種彈牙嘅煙韌😍
◎ 眼仁奈刺身 - 魚肉連魚皮起成長長嘅魚片，再將佢捲起嚟，入口好有充實好有口感，魚皮令整體爽口感大大提升😋
◎ 甜蝦刺身 - 唔係果啲細細隻嘅蝦仔，佢用上超肉厚嘅牡丹蝦起肉，而蝦身以外嘅部份，即係蝦頭、蝦殼、蝦膏烘乾再拎去炒，之後再磨成粉粒！剩係聽見都覺得要勁多心思，粒粒都係精華，食落去係似蝦子嘅味道，亦都幫牡丹蝦肉再提鮮，帶啲鹹香真係好吸引！
嘆完刺身，師傅就開始為我地準備壽司才料！但唔會要我地白白咁等，呢個時候店員呈上一份...
◎ 海鰻天婦羅 - 海鰻天婦羅配上青蔥蓉整出嘅醬汁，味道唔會好濃，食落有陣陣蔥香又不失 海鰻嘅肉味！
食完天婦羅，師傅就開始整壽司，而壽司都係一件一件上，我地繼續享受嗰種新鮮感！🤩
◎ 海膽壽司 - 師傅千叮萬囑一定要快食，唔好影咁耐相，因為 creamy 嘅海膽會影響紫菜質感，一食落去真係鮮味沒法檔！
◎ 油甘魚壽司 - 估唔到平時成日食嘅普普通通油甘魚，師傅加上小小醬油，面上加少少蘿蔔蓉，唔需要額外調味，入口好鮮好清新，仲減低咗魚肉嘅油膩感，好正！
◎ 赤貝壽司 - 又係一個大驚喜，平時都會怕怕地赤貝肉嘅腥嘅，相信本身食材應該已經好出色，估唔到師傅將佢演譯到極致，放上特製出嚟嘅檸檬鹽令到赤貝更鮮更甜更有口感，一啖入口有唔同層次嘅感覺！
◎ 赤睦壽司 - 作為深海魚嘅赤睦，鮮甜度本身已經有一定保證，再加上金黃色嘅烏魚子鮮上加鮮，賣相已經高分，味道更加係一絕。
◎ 喜之次壽司 - 如果之前幾款已經係驚喜之作，咁呢款一定係驚喜加創意之作，喜之次稍為燒一下，就見到師傅拎出粒靚靚嘅咸蛋黃出嚟刨，金黃嘅咸蛋黃碎鋪滿係魚肉表面，又係另類嘅味蕾滿足！咸蛋黃香同魚肉魚皮帶出一種緊貼潮流嘅味道！
◎ 霜降拖羅壽司 - 聽師傅講如果呢件霜降拖羅變成和牛，佢就係有A5嘅級數，入口之下發覺味道真係無得頂，魚肉嘅油鮨感好豐富，入口即融，陣陣魚香揮之不去！真係要講聲 いちばん👍！
◎ 白蝦肉壽司 - 今晚食嘅每件刺身壽司都好正，但最滿足嘅我會揀呢件白蝦肉壽司，佢頂上仲放咗新鮮嘅牧丹蝦子，視覺效果好震撼，鮮味已經係必然，而肉質細嫰又彈牙，100分😍
有完美嘅刺身同壽司外，而呢碗湯都完全唔失望，亦都一啲唔簡單！鮑魚切片令到湯底都有非一般嘅鮮甜，而鮑魚肉彈牙又足料，好味！
最後會有一件自選手卷，師傅話想食咩都得，佢咩都整得出！我諗諗下今日食刺身同壽司嘅魚肉已經食得夠多，有無清新嘅其他選擇呢？
點知完全難唔到師傅，整咗一件我從來都未食過又未聽過嘅手卷出嚟！用上六至七塊紫蘇葉 (要點嘅話請先確定自己係唔怕呢種味)，處理好之後加上特製嘅梅醬，再加入飯整出嚟嘅手卷，梅味十足，鹹、甜、酸、香幾種層次嘅享受，紫蘇味好重好正好突出！😍
咁正嘅一餐又點可以無一個極致嘅甜品！呢個日本北海道蜜瓜比起任何甜食都更完美，熟透！甜度足！口感清香！好Juicy!!!!🤩
甜甜嘅果肉每一口都驚喜，為今晚嘅完美晚餐畫上一個更完美嘅句號！一定一定會返嚟再食😍😍😍😍😍！！！
張貼
