澳門路環茶餐廳 (已結業)

由於老闆唔係度，我呢排都比較得閒，成個禮拜都可以食到早餐。而今日等份野，所以仲可以入去慢慢歎。行過見到呢間，所以入左去試。叫左個早餐B - 蕃茄薯仔羅宋湯螺絲粉配牛油火腿豬仔飽跟熱飲(揀左熱朱古力)，只係$16- 幾抵。個螺絲粉味精重左D，牛油火腿豬仔飽，賣相唔錯，但係味道就一般啦，因為，O岩O岩趁熱食果陣，外層都脆脆地既，但食另一半果陣，已經係唔脆，面且飽入面唔係鬆軟的，牛油味都唔重。杯熱朱古力就OK。入面每個卡檯都有一部細細既LCD 電視仔，仲有得較台同埋音量，咁樣就唔洗爭。而且，仲有報紙雜誌提供，幾好！但入面好多人食煙。