拉麵達人 (已結業)

一兩年前喺佐敦見到呢間拉麵店，一路都無機會試。今日咁啱個friend 喺附近行禮，終於有機會一試。佢個Menu 都算有幾多選擇，我揀左佢話最有人氣嘅達人拉麵，c就揀左博多拉麵。個面黎到我已經開始擔心，因為佢個賣相真係麻麻。第一樣當然係試試佢個湯底。一個字，淡! 佢本應係豚骨湯底，但係如果你話佢係清湯，我都會信。佢個面就正常。個叉燒 無特別。最好其實係粒蛋，都算入味。個博多拉麵同我嗰碗係差唔多，只係個餸變左好似蟹柳嘅“海老” (佢話係)。Overall 其實係可以入口，但我唔會想再黎。