影片
更多
2008-01-11
2 瀏覽
見到報紙介紹,一心去試吓,結果食到一肚氣,同朋友決定誓不再幫襯!訂咗枱一入到去係完全冇人理,搵咗一陣先搵到一個待應。坐咗係Bar枱最近廚放位置,連洗碗碟機既運作都一清二楚。以鐵板燒餐廳嚟講真係地方太細啦,亦好大油煙味,不過都算小事。一心嚟試鐵板燒,所以點咗個HK$1080二人鮑魚餐,重加HK$400轉咗鹿兒島和牛厚燒。先嚟前菜與沙律,兩樣D汁都麻麻地。鵝肝煎得外脆內軟,係全個餐最好味。跟住師傅拎咗隻澳洲黑邊鮑魚,本來同朋友好開心,因為隻鮑魚大過係「和三昧」食果隻好多。點知一食好似食鞋底咁,好難咬開,吾食又吾抵,結果好辛苦咁「哽」咗佢。銀鱈魚丶蝦、甚至炒飯炒菜咁簡單既嘢都整得一D都吾好食。我重食到好勁味精,叫咗杯梅酒飲,點知成20分鍾都未有,個待應話因為依道新未有酒牌,D酒放咗係13樓。嘩,去7仔買都買到返嚟啦!食鐵板燒,梗係對個和牛厚燒抱最大期望。未食之前見到兩個師傅一邊切一邊磅D和牛牛扒。睇住佢地將D牛扒「玩」來「玩」去,估吓幾重,真係都吾知食吾食好。我地揀咗五成熟,點知食落起碼九成熟。D味真係麻麻。D蒜片又吾脆兼且滴油。食物差之餘,最離譜就係佢地11點收工,我地由9點9食到10點9
訂咗枱一入到去係完全冇人理,搵咗一陣先搵到一個待應。坐咗係Bar枱最近廚放位置,連洗碗碟機既運作都一清二楚。以鐵板燒餐廳嚟講真係地方太細啦,亦好大油煙味,不過都算小事。
一心嚟試鐵板燒,所以點咗個HK$1080二人鮑魚餐,重加HK$400轉咗鹿兒島和牛厚燒。先嚟前菜與沙律,兩樣D汁都麻麻地。鵝肝煎得外脆內軟,係全個餐最好味。跟住師傅拎咗隻澳洲黑邊鮑魚,本來同朋友好開心,因為隻鮑魚大過係「和三昧」食果隻好多。點知一食好似食鞋底咁,好難咬開,吾食又吾抵,結果好辛苦咁「哽」咗佢。
銀鱈魚丶蝦、甚至炒飯炒菜咁簡單既嘢都整得一D都吾好食。我重食到好勁味精,叫咗杯梅酒飲,點知成20分鍾都未有,個待應話因為依道新未有酒牌,D酒放咗係13樓。嘩,去7仔買都買到返嚟啦!
食鐵板燒,梗係對個和牛厚燒抱最大期望。未食之前見到兩個師傅一邊切一邊磅D和牛牛扒。睇住佢地將D牛扒「玩」來「玩」去,估吓幾重,真係都吾知食吾食好。
我地揀咗五成熟,點知食落起碼九成熟。D味真係麻麻。D蒜片又吾脆兼且滴油。
食物差之餘,最離譜就係佢地11點收工,我地由9點9食到10點9,我朋友重食緊個炒飯時,個待應挾硬要拆佢條圍裙。跟住五分鍾內突然有幾個待應不停問我地重有冇嘢要,都算。最最最最離譜就係佢地開始用漂白水抹地,好大味道咁「升」上嚟,又不停「省」爐。更甚係有待應將我地頭頂Bar枱所有燈熄晒,直至另一待應幫我地開番。而另一待應吾理我地傾緊嘢,一二三就「塞」咗張單係我地中間。我地嬲到即刻走,果時都係10點55分。
大佬,兩個人食咗HK$1700,得到咁既招呼、咁既食物質素.....唉,打死都吾再幫襯啦!!!
張貼