茶寮 京都仁王門

營業中

休息中

開個post讚一讚呢間舖頭負責任嘅態度。去開荃灣西，見佢$88個Tiramisu pancake優惠幾吸引。雖然我又有啲趕時間，而佢寫明所有pancake都要等30分鐘，不過我都膽粗粗問吓係咪真係要等甘耐。仲諗住搏中，店員話而家有份現成嘅，咁我就梗係即刻入去試吓啦。果然等了兩三分鐘，份pancake就嚟咗。賣相好靚，點知篤落去.....咦，個餅底有啲韌嘅？！照計日本pancake唔應該咁嘅喎。食吓食吓，去到中間真係頂唔順，直程係要用叉扯出嚟咁😟忍唔住...決定問吓店員😬，估唔到店員好好，即刻話可以俾過份新嘅我，不過要等30分鐘。🥺估唔到我咁問一句，店員就好有誠意立刻補救。終於等咗大約30分鐘，我份pancake就嚟咗啦。😀Pancake係幾軟滑嘅，不過蛋味唔算濃。但係Tiramisu醬同朱古力都好食😋。加埋賣相吸引，所以整體好滿足。