牛涮鍋 (已結業)

由於某大銀行知用卡做緊promotion, 放題可以半價， 即刻約齊人馬gogogo! 今日五點九左右到（平日）， 門口已經大排長龍，好彩最後都可以第一round 入到， 我地點左澳洲和牛，即係澳洲或以下質素嘅肉都可以點！ 一行三人， 等左一陣就上左三盒澳洲及一碟豚肉同少量雞肉比你試， 佢地已經好有道德地上一盒小小的豚+雞，唔會撐飽你，等你叫唔到咁多牛！D 澳牛好靚，不過個人覺得牛味唔太濃，可能肥肉唔多所以有所影響及有少少鞋（已經滾二三秒就食嫁啦）讚佢誠實係因為之後追加， 次次都會比相同級數嘅澳牛你， 唔似大部份嘅打邊爐第一round 就靚牛， 第二round 開始已經狸貓換太子打邊爐淨食一款有d 寡， 所以叫左美國特上牛小排及美國上級進口牛試， 賣相及味道都唔錯，值得試下。豚肉之前試過都ok, 諗住細細可以encore 下， 點左兩碟， 一黎眼都突， 因為追加嘅豚都十分大碟， 同行友已經好飽了，所以我一人KO 兩大碟， 真的佩服了自己（掛住殺戮忘了影相）雖然影得唔多相， 但現場都有好多菜呀、菇呀、丸類、飲品同雪糕食！ 今次promo 半價黎每人都係$190， 所以真係好抵食！