影片
更多
2019-05-14
87 瀏覽
我自己其實真係好鍾意打邊爐，咁其實漸漸都覺得旺角嘅鋪頭都唔算太好味，但係呢間火鍋店令我覺得出人意表，係鮮有有質素嘅火鍋店。咁入到去啦我哋就食咗雞煲之後先至打邊爐咁。其實我想講雞煲好多地方都有得食但係做得好食嘅真係好少有，記得之前食過一間雞煲虛有其表係真係好差。呢度有芝士同麻辣雞煲揀咁就揀麻辣。因為同其他人一齊食所以咁就要食小辣。如果我自己我會食中辣嘅。咁對於麻辣亦都一樣囉其實麻辣要做到麻同埋辣。同香辣絕對係兩回事。有啲餐廳整麻辣變成香辣，其實係唔合格。咁我呢就覺得麻同辣都要兼備咁先至係頂級。我其實都好耐冇食過覺得好好食嘅麻辣。嘩，呢一度真係好驚喜，係超級驚喜！佢嗰種辣係超級入味，麻香係四溢。麻同辣兩種比例恰到好處，兩種味道係一同呈現，完完全全入晒去個雞到。我嫌唔夠食添啊，之後就開始打邊爐我哋要咗$208安格斯套餐。咁其實有五六張紙就揀火鍋配料嘅。我最難忘嘅係食鋪頭自家製嘅鹹蛋黃炸魚皮。我本身其實自己都好鍾意食炸魚皮嘅。鹹蛋黃就更加鍾意啦。佢食落去真係好香鹹蛋味，唔會話太濃或者太淡味，佢係啱啱好。鹹蛋黃包住個魚皮仲要係超級脆。普通魚皮你一陣落去打邊爐可能幾秒已經會淋但係佢呢個係浸足十幾秒
咁入到去啦我哋就食咗雞煲之後先至打邊爐咁。其實我想講雞煲好多地方都有得食但係做得好食嘅真係好少有，記得之前食過一間雞煲虛有其表係真係好差。呢度有芝士同麻辣雞煲揀咁就揀麻辣。
5 瀏覽
0 讚好
0 留言
麻辣雞煲
7 瀏覽
0 讚好
0 留言
我其實都好耐冇食過覺得好好食嘅麻辣。嘩，呢一度真係好驚喜，係超級驚喜！佢嗰種辣係超級入味，麻香係四溢。麻同辣兩種比例恰到好處，兩種味道係一同呈現，完完全全入晒去個雞到。我嫌唔夠食添啊，之後就開始打邊爐我哋要咗$208安格斯套餐。咁其實有五六張紙就揀火鍋配料嘅。我最難忘嘅係食鋪頭自家製嘅鹹蛋黃炸魚皮。我本身其實自己都好鍾意食炸魚皮嘅。
5 瀏覽
0 讚好
0 留言
咁仲有我最鍾意食嘅紅薯粉啦！佢呢度嘅紅薯粉呢係扁新但係幼嘅。咁初頭諗住會唔會唔會好有咬口呢？點知又唔係喎，佢一落落去已經好快熟。即刻食得，佢都係好煙韌嘅有咬口。
我最鍾意呢啲㗎啦！之後仲有好特別嘅皇帝菜啦，好少地方有呢個火鍋配料揀，其實皇帝菜有啲似茼蒿嘅，但係味道就相對易入口啲。食唔慣嘅人都可以食下皇帝菜試吓先。
仲有牛舌啦，都係比較少餐廳可以選擇。雖則佢薄薄一片又快熟。同埋其實佢都好重牛味非常之好味，我哋都再encore。
其實如果嫌啲火鍋配料唔夠揀嘅，其實仲可以自己自費額外叫其他配料，有花膠筒啦珊瑚螃等啦。其實仲可以食278貴一個價錢嘅套餐咁就可以食到美國筒蠔啦！
呢間鋪頭令我最深刻嘅食物當然係其中之一啦。但係令我最最深刻嘅其實係佢鋪頭嘅服務員嘅態度。因為我覺得其實香港好多鋪頭都係比較欠奉禮貌同埋應有嘅服務態度。反而呢度鋪頭係待人有禮啦，用心服務，謙誠態度。唔會俾人感覺唔舒服突兀。香港仲有好多人其實默默耕耘值得我哋唔止一句讚賞嘅！多啲讚賞多啲包容世界會變得更美好！
張貼
