本真東后齋 (已結業)

不得不說，本真東后齋係我目前最鐘意既一間素食店，我覺得係最好食既、亦係回頭率最高既一間店。 首先係環境，不論燈光、擺位等等都令人有一種好舒服既感覺。一個大大的觀音像令氣氛頓覺祥和，輕輕鬆鬆地吃一餐。 我多次光顧set dinner，並試左一次下午茶。Set Dinner 的菜相當平實、有湯、前菜、主菜、主食及甜品。雖然清淡、但卻係我最欣賞既一點。因為只係用最簡單、最普通的食材、煮法已經可以咁好味。 杏汁湯好勁，奶白色既湯中有著幼幼的杏粒，唔需要加任何肉類已經引起到湯的香甜。如果係冬天整返碗真係會暖到入心！ 主菜入面既柚子骨真係好好食，用一舊蓮藕包住塊片炸，再配上雜椒同柚子蜜去整。蓮藕同柚子蜜既味道非常配合，有田園既感覺。 炸魷魚鬚又係真心推薦俾大家，一定要食。其實我都唔清潔究竟本真東后齋係用左咩材料製作炸魷魚鬚，我只可以話佢完完全全騙過我條脷，素魷魚比鮮魷魚肉質更加滑同細緻，沾上酸汁、灑上丁點兒幻鹽、等待它在你口中溶化的感覺絕對是很妙的。 糖水又係正到飛起，會不定時轉味的。外面賣的雪耳糖水有兩種style：一種係連埋啲雪耳一齊煮列溶曬、好濃；一種係水還水、雪耳還雪耳