糖品 (已結業)

食飽飯口痕想食甜點，行到黎東大街，見到呢間開左幾年嘅甜品店依然係度，咁耐冇食就入去試下keep唔keep到水準。裝修冇變，餐牌嘅選擇多左幾倍，雖然價錢偏貴，但種類好多。好立克冰露配Movenpick朱古力雪糕😋冰露有好濃嘅好立克味，topping豐富，唔會邊食邊溶，keep得好好！三色手工芋圓紫米椰汁冰配Movenpick呍呢拿雪糕👍🏻好足料，所有配料都好match，椰汁冰好清新，如果味道再濃小小就更好。手工芋圓不過不失，口感幾好，但只見到雙色芋圓，而且欠缺芋頭味蕃薯味。