靚靚麵工房 (已結業)

得十五分鐘食個晚飯，本來打算去翠華，不過上次去過，冇乜驚喜。諗住買串魚蛋，先發現原來有車仔麵堂食，有位就當然堂食啦！點菜張紙有好多好多材料揀，一d都唔係平時嗰d車仔麵，乜類型嘅麵都有，仲有口水鷄翼呀、鹵水呀⋯⋯等等，真係好有創意！叫咗口水鷄翼、鹵水有機豆腐同牛筋，$48三餸，唔貴，而且大大份，果然有誠意。味道絕對一流，牛筋好入味，好彈牙。而口水鷄翼同鹵水有機豆腐係分開上，鷄翼唔太辣，好滑，而鹵水有機豆腐亦好香口。服務亦十分有熱誠，食物亦好快到，真係冇咩可批評，下次一定會再去慢慢歎！