味 日本料理 (已結業)

晚市又冇堂食，唯有買外賣返屋企食，見尖沙咀海防道街市呢到呢間餐廳,都幾多人係門口排隊，於是我決定試試先🤗睇menu過程中，店員都好好會推介食物，我地就揀咗呢幾款，食過都幾高質好味道👍🏻整體唔錯！值得推介😊芝麻蝦卷：一聽就知芝麻係主角啦😳店員推薦話芝麻唔係就咁普通芝麻，係師傅特登炒香啲先用黎卷壽司，的確芝麻味好香濃，而且好酥脆☺️好正！黯然銷魂燒豬仔骨：醬汁好好味，咸甜咸甜！而且啖啖肉，又有啲燶邊位，又係好正！玉子壽司：呢個係我口痕叫架，因為我好愛愛玉子🙈甜甜的😍自家秘製雞湯日本咖喱飯 燴野菜：咖哩濃郁，而且真係食得出有雞湯嘅味道😋博多黑豚骨烏冬 沖繩島豚軟骨煮:呢個烏冬好特別，啲豬軟骨好冧軟骨又脆身，口感一流！而個豬骨湯底更加無得彈😙飲一啖就口已經好黏，飲左唔少骨膠原落肚😝就知勁足料啦！