影片
更多
2023-11-08
2318 瀏覽
某日行過中環扶手電梯樓下， 見到新開一間印尼餐廳🇮🇩walk in 試下 ， 有朋友之後黎過坐近門口就比較熱， 但今次我地落左地下一層別有洞天👀好似去左酒吧咁chill 🍸 Lunch set 連加一 最平都HKD130起跳 ，包頭盤同主菜， 飲品都冇， 唔算平。 不過頭盤有印尼沙律，粟米餅同炸魚餅， 都幾豐富‼️ 印尼沙律係肉醬撈啲芽菜咁， 冇平日沙律咁開胃但都幾有特色～ 粟米餅炸得脆卜卜又甜甜地 🌽 印尼特別炒飯跟沙嗲、日本太陽蛋和印尼蝦片 HKD 168 跟埋2串雞 ， 幾滑， 炒飯都幾好食 ，有時食東南亞菜好怕啲嘢太濃味，但呢間剛好！ 印尼沙嗲拼盤跟蕉葉飯團（雞肉和豬肉沙嗲）HKD168 幾欣賞呢啲串燒肉粒大小適中、 火喉控制幾好， 唔會好乾柴， 沙嗲醬另外跟埋酸酸甜甜既青瓜蘿蔔絲比你清下味蕾！ 蕉葉飯團比較有趣， 軟綿綿， 個樣似玉子豆腐， 係面有啲炸椰絲有少少甜味。 但我地都一般呢種飯團🤣 黄薑雜錦飯（印尼炸雞，酸辣蝦，薯仔牛肉餅） HKD168 炸雞有半隻，冇炸漿似燒個種，幾滑。 薯仔牛肉餅就偏淡， 薯蓉多牛肉少。 除左有蝦仲有半隻炸蛋，如果3 個lunch set 都係
某日行過中環扶手電梯樓下， 見到新開一間印尼餐廳🇮🇩walk in 試下 ， 有朋友之後黎過坐近門口就比較熱， 但今次我地落左地下一層別有洞天👀好似去左酒吧咁chill 🍸
Lunch set 連加一 最平都HKD130起跳 ，包頭盤同主菜， 飲品都冇， 唔算平。 不過頭盤有印尼沙律，粟米餅同炸魚餅， 都幾豐富‼️ 印尼沙律係肉醬撈啲芽菜咁， 冇平日沙律咁開胃但都幾有特色～ 粟米餅炸得脆卜卜又甜甜地 🌽
印尼特別炒飯跟沙嗲、日本太陽蛋和印尼蝦片 HKD 168
跟埋2串雞 ， 幾滑， 炒飯都幾好食 ，有時食東南亞菜好怕啲嘢太濃味，但呢間剛好！
印尼沙嗲拼盤跟蕉葉飯團（雞肉和豬肉沙嗲）HKD168
幾欣賞呢啲串燒肉粒大小適中、 火喉控制幾好， 唔會好乾柴， 沙嗲醬另外跟埋酸酸甜甜既青瓜蘿蔔絲比你清下味蕾！ 蕉葉飯團比較有趣， 軟綿綿， 個樣似玉子豆腐， 係面有啲炸椰絲有少少甜味。 但我地都一般呢種飯團🤣
黄薑雜錦飯（印尼炸雞，酸辣蝦，薯仔牛肉餅） HKD168
炸雞有半隻，冇炸漿似燒個種，幾滑。 薯仔牛肉餅就偏淡， 薯蓉多牛肉少。 除左有蝦仲有半隻炸蛋，如果3 個lunch set 都係 HKD168+1， 咁呢個set 好似最豐富！
呢間餐廳， 食物都幾有誠意 ， 環境都唔錯。 不過性價比就唔算高。
張貼
