mr.kanso (已結業)

mr.kanso 是間罐頭餐廳酒吧。以「享受罐頭與酒」為主題。雖然大家都知道日本仔嘅即食文化好出色，但用罐頭作招徠又真係幾夠薑。今次經友人介紹到來一試。食之前首先要讚吓班店員。佢地招呼週到，好有耐性講解間餐廳嘅菜式同飲品，以及佢地嘅罐頭特別之處。小弟跟店員介紹試左幾款菜式：1. 腸仔配黑松露焗薯蓉 - 腸仔同薯蓉都好好味。小弟反而覺得薯蓉太多，用來送酒其實份量可以少一半。2. 蟹膏蟹籽燴飯 - 個飯整到好似 risotto 咁 creamy。 蟹膏好香，店員介紹個蟹膏可以買返屋企，直接撈意粉煮熱佢都已經可以好好食同好香。3. 廣島蠔二食 - 店家將廣島蠔罐頭分別做出兩種菜式用來送酒。一個脆炸比較香口，另一個蒸熱左配豆腐較清甜。4. 炸蕃薯條 - 蕃薯條夠大條，炸到好香甜，配埋微辣嘅醬汁，好惹味！因為小弟與友人都喜愛清酒。而這裡清酒的款式都真係多而且都係比較有品質，亦唔會有典型而濫調嘅獺祭個流。佢地有新政6號、而今、富士榮光、磯自慢等！小弟點左支富士榮光董露威吹，果香豐富帶蜜瓜味，收結清爽俐落，好飲！兩個人飲一支就啱啱好。店員介紹原來呢度可以俾客人用半價買走清酒。真係超低，有啲仲平過網店