影片
更多
2015-03-16
3597 瀏覽
因本月初看過一份甚具公信力的報章訪問, 遠道過來一試. 試味後, 覺得該小店絕對值得一個更公平嘅評價, 所以闊別多年後再度操筆. 湯底對拉麵來說至為重要. 聞説本店湯底用豬骨及秘製醬料熬足8至10小時, 要試其真味, 當然最好咩其他油都唔加, 直接試鹽味(這𥚃的鹽味唔係一般所指嘅雞骨湯, 而是豚味). 湯: 肉香味道濃郁且厚, 入口後有黏性感覺(強勁骨膠原),好味到飲晒後更發覺碗底剩低豬骨碎嘅行跡! 湯唔攻鼻, 飲後冇口渴感覺. 味道質感實物全話我知呢碗係真材實料又誠意可嘉嘅作品! 遠過不少港島拉麵名店. 不過, 我果碗湯面d油多咗d, 鍾意食肥嘅可能啱. 另外, 煲湯如果加多d蔬菜香料, 湯嘅味道層次感可望提升.麵: 選了稍硬. 麵粉味一般, 頗爽口彈牙, 但麵煮得過熱, 或者一般香港人喜歡, 如果過一過凍水我會覺得好d.配料: 义燒乃豬腩肉部份, 肉味香濃, 沒本地豬常見騷味. 火灸焯過嘅义燒更有種焦香, 味覺堤升. 味附旦: 半熟旦, 溫度調較得幾好. 醬油味適中, 不咸不膩易入口. 選DX其實我覺得俾一隻旦已夠.環境: 店外環境的確頗差. 以該店嘅食物水準, 舖
因本月初看過一份甚具公信力的報章訪問, 遠道過來一試. 試味後, 覺得該小店絕對值得一個更公平嘅評價, 所以闊別多年後再度操筆.
湯底對拉麵來說至為重要. 聞説本店湯底用豬骨及秘製醬料熬足8至10小時, 要試其真味, 當然最好咩其他油都唔加, 直接試鹽味(這𥚃的鹽味唔係一般所指嘅雞骨湯, 而是豚味).
湯: 肉香味道濃郁且厚, 入口後有黏性感覺(強勁骨膠原),好味到飲晒後更發覺碗底剩低豬骨碎嘅行跡! 湯唔攻鼻, 飲後冇口渴感覺. 味道質感實物全話我知呢碗係真材實料又誠意可嘉嘅作品! 遠過不少港島拉麵名店.
不過, 我果碗湯面d油多咗d, 鍾意食肥嘅可能啱. 另外, 煲湯如果加多d蔬菜香料, 湯嘅味道層次感可望提升.
麵: 選了稍硬. 麵粉味一般, 頗爽口彈牙, 但麵煮得過熱, 或者一般香港人喜歡, 如果過一過凍水我會覺得好d.
配料: 义燒乃豬腩肉部份, 肉味香濃, 沒本地豬常見騷味. 火灸焯過嘅义燒更有種焦香, 味覺堤升.
味附旦: 半熟旦, 溫度調較得幾好. 醬油味適中, 不咸不膩易入口. 選DX其實我覺得俾一隻旦已夠.
環境: 店外環境的確頗差. 以該店嘅食物水準, 舖位值得在一個更當旺光猛企理, 更多人欣賞食物同識食嘅地方.
衛生: 店內頗乾淨, 可惜對出條街污糟.
題外話/補充資料：
P.S.真正最識食果班人平時係唔寫食評的, 識食與否亦並非與寫食評的數量對等.
(以上食評乃用戶個人意見 , 並不代表OpenRice之觀點。)
張貼
