Oggi (已結業)

上次去完這間餐廳食晚飯後，覺得野食唔錯，坐得又舒服，一直想再來，見今日lunch得閒，就試下上次已經想試的意大利飯。Lunch menu的價錢唔算好貴，係平時天后一般西餐的價格，但仲包埋甜品。我叫左藍青口白酒忌廉汁意大利飯。先上的麵包同湯都係熱的，麵包軟身，配上牛油一流，而是日餐湯係薯仔湯，薯仔味比忌廉味重，飲落好舒服。個意大利飯濕度岩岩好，而飯粒亦都唔會太硬，每啖都食到濃濃的忌廉味，青口有四隻，食落都尚算新鮮。最後上的甜品係類似柚子味的蒟蒻，食落彈牙，而杯熱奶茶亦都唔錯。