韓珍 (帝國中心) (已結業)

🉐正宗韓國菜🉐超推介醬油蟹〈醬油蟹〉🥃🦀之前喺其他韓國餐廳試過醬油蟹，但係鹹到不得了，估唔到喺度食反而有驚喜，蟹肉非常之鮮甜，口感滑溜，調味啱啱好，仲會跟一個鋪滿紫菜同埋蛋黃嘅飯，誠意推介！〈泡菜煎餅〉🍕泡菜煎餅煎得好香口，泡菜嘅份量都唔少，亦都唔會太辣，亦都唔會太濕，夠乾身！〈泡菜豬肉湯〉🌶️🥬🐷🍲泡菜嘅味道好濃郁，豬肉嘅份量都幾多，仲有豆腐同蔬菜，飲完醒個人暖粒粒！〈芝士炒年糕〉🧀🍡炒年糕有分有芝士版同無芝士版，但係建議揀有芝士，芝士嘅份量超多，連埋年糕一齊食，除咗可以解辣之外，仲非常惹味，醬汁好濃郁，夠晒正宗！呢間韓國餐廳超正宗，人山人海，想去食嘅記得先book位呀！