燒肉酒場 (已結業)

約咗朋友敘舊，揀咗依間住於登龍街樓上的燒肉店。最重要想坐得舒服又傾到計。😊裝修好日式，唔會太花巧，抽風系統做得足，店員態度親切殷勤。🌸椰菜絲沙律&圍爐蔬菜諗緊點嘢食嘅時候，店員好細心幫我們準備圍爐蔬菜、同椰菜沙律，蔬菜新鮮爽口。🌸嘢飲叫左桃味梳打同玄米茶。🌸鱈魚干作前菜，鱈魚乾呈薄片燒得好香脆，好似食薯片但多左魚香和鮮味。🌸柚子雞腿肉份量足，柚子醃製減去了肥膩感多咗份柚子香，而且雞肉肉質嫩滑。🌸燒肉酒埸豚肉大盛有豚肉肉眼、伊比利亞梅頭、西京豬頭肉、韓式豚肉片、香蔥豚脂肉、鹽烧豚肉片。十分豐富，雖然都係豚肉，用多國形式及醬汁出現，做出唔同味道，配搭可見心思。🌸和牛盛盒背蜂、三角、肉眼、牛肩肉，四款也是精選牛肉，肉質新鮮，入口即溶。🌸海之幸盛合帆立貝、墨魚仔、蟹棒和虎蝦，虎蝦雖然得一隻，但係好大隻，爽口彈牙。估唔到燒蟹棒都係第一次，原來都可以做到外脆內軟，值得推介。🌸鯛魚燒以此甜品作結，揀咗綠茶味，店員介紹可以放在爐上燒10至15秒就啱啱好，果然外脆內軟，意外地發現綠茶雪糕外仲有紅豆餡料，雪糕少少溶，但仍然凝固少少凍，外面暖暖的皮依然香脆，值得－讚。