滿樂中菜 (已結業)

聽朋友講戲曲中心裏面有間中菜叫滿樂幾好食，今晚就決定試試。雖然落黃雨，但經柯士甸站一出就到，落大雨都冇有怕。餐廳位於二樓，指示清晰易找。餐廳裝修走摩登新潮路綠，以綠色為主調，感覺開揚舒服。通常兩個人食中菜較難叫餸，由於碟頭大，最多只叫兩三款。但待應話呢度碟頭唔大，叫我哋放心 Order 😂咁我哋就叫咗燒腩仔同拍青瓜做前菜；蜜汁叉燒同胡椒蝦做主菜；再加個海皇三絲羹同南瓜炒米粉就剛剛好。燒腩仔一上枱，Size的的式式，啱啱好一口一件，豬皮鬆脆，肉嘅部份有肉汁又鬆軟，非常好食。青瓜酸味適中，有蒜香，酸味來自白醋而非黑醋，比較特別。跟住就嚟個海皇三絲羹，用料足，有蝦仁粒，韭黃，草菇絲，扇貝肉等，口感豐富，調味偏淡，可以食得出海鮮嘅鮮味。蜜汁叉燒上枱時仍然是微熱的，餐具又漂亮。而叉燒係用半肥瘦嘅位置，鬆軟腍香，鹹甜味適中，仲有少少嘅燶邊，特別香口👍胡椒焗海蝦就分別用咗生胡椒同胡椒粒，一齊用瓦煲焗香，當打開蓋時，半間餐廳都聞到胡椒嘅香味，而蝦身就𠝹開咗，可以令到胡椒嘅味道更加滲入蝦肉裏面，蝦肉又爽又彈牙，每人兩隻份量啱啱好。最後上枱嘅南瓜炒米粉就扮演提供飽肚嘅作用，而用料超豐富，有蝦仁，南瓜絲，瘦