Tipsy burger (已結業)

難得平日放假, 終於可以去鰂魚涌揍姪仔放學, 姪仔極推介我去佢學校對面一間Burger小店食埋先返屋企, 見佢咁有興致, 就同佢一齊入去食啦!餐廳小小, 有少量位置供堂食, 係食嘅期間睇到唔少人都係order外賣多, 接單接到手軟。主打數款burger中, 有幾款burger係含有酒精成份, 不過今餐同姪仔share, 只能夠order無酒精款burger; 另外更可加錢upgrade為combo set, 配搭野飲+小食, 不過店員指combo份量比散叫少d, 所以我都係揀返散叫。煙肉芝士雙層焦脆和牛漢堡:脹卜卜嘅包內側烘底過, 材料配搭偏傳統, 芝士半溶狀附於和牛扒上, 和牛煎得很焦香, 同時又keep到肉汁豐富, 雙層份量更加邪惡吸引! 煙肉焦香微脆, 加咗少少醃洋蔥圈, 甜甜地; 估唔到傳統配搭都咁有驚喜!黑松露芝士薯條: 粗直薯條香脆, 每條都沾上黑松露, 半溶芝士鹹香軟滑, 雖然直接加入薯條影響了炸薯條香脆度, 但每啖濃郁黑松露味, 搶咗唔少分數。另外order 咗汽水, 罐裝ZERO可樂。