kikusan (已結業)

原本要係銅鑼灣另一間餐廳食飯，但係無book位 結果就去左附近既kikusan。又估唔到晚上8點左右既時間唔洗排隊就入到！雖然地方算大又闊落，但都九成滿座。由門口行入去已經覺得好舒服，燈光暗暗地，加上空間好足夠，放工去食個飯真係一流，即刻放鬆哂Order左比較熱門既kikusan卷、千層豬扒擔擔麵、豚肉小籠包。另外甜品就叫左雪糕香蕉布甸呢個卷確實唔錯，亦都係第一個令我入呢間餐廳既原因！香蔥吞拿魚原本係一個好既組合。但係呢到，發覺呢隻蔥太搶海膽既味，可能係太多？試下整開d蔥食，會覺得岩岩好！呢個千層豬扒麵的確可以，不過沒想像中好食，正正常常。豬扒好快淋係真。小籠包無影到，十分出色。皮好似自己面皮咁薄，一夾就好易爛但係味道十足，完勝最後叫左呢個甜甜的雪糕香蕉布甸。望落好似凡人咁普通，但係！佢下面其實係個熱既香蕉味糕，上面冰凍雪糕，一冷一熱真係好好味呀佢有幾粒honey comb係面，甜甜苦苦，中和番整體甜度，底番無咩人介紹呢個，記得一試