影片
更多
2021-12-14
1549 瀏覽
本身諗住食另一間茶記，但因為太多人排隊最終放棄；之後行行下見到呢間8號冰室，就決定一試。門口有好多排隊買外賣嘅人，原來佢外賣自取比起堂食平好多，以一個碟頭飯為例，外賣$40而堂食就要$55，平成$15，所以吸引左唔少附近返工嘅人過嚟幫襯外賣。我地今日係堂食，侍應安排左近水吧嘅二人枱俾我地。先論環境，認真mamaday，室內光線昏暗，地方淺窄過平時嘅茶記好多，食食下飯隨時有人撞埋嚟，好似玩閃避球咁樣。不過，餐廳亦有優勝嘅地方，就係食物質素唔錯，同埋性價比都高！我嗌左一個常餐，炸豬扒蕃茄通配蒜蓉包+奄列，仲有一杯熱飲跟，都係$45咋，呢個價錢唔係喺好多地方可以搵到。味道方面，豬扒係新鮮即炸、香脆可口，而蕃茄通湯底濃郁，蒜蓉包同奄列都唔錯，成個套餐嘅味道水平不俗，超出$45嘅水平！加上份量頗多，豬扒大件之餘，仲俾左三塊，非常大方！整體嚟講，食物真係無得挑剔。服務方面，人手略嫌不足，但侍應做事迅速，唔會hea你，呢一點都係值得一讚嘅！
門口有好多排隊買外賣嘅人，原來佢外賣自取比起堂食平好多，以一個碟頭飯為例，外賣$40而堂食就要$55，平成$15，所以吸引左唔少附近返工嘅人過嚟幫襯外賣。我地今日係堂食，侍應安排左近水吧嘅二人枱俾我地。先論環境，認真mamaday，室內光線昏暗，地方淺窄過平時嘅茶記好多，食食下飯隨時有人撞埋嚟，好似玩閃避球咁樣。
不過，餐廳亦有優勝嘅地方，就係食物質素唔錯，同埋性價比都高！我嗌左一個常餐，炸豬扒蕃茄通配蒜蓉包+奄列，仲有一杯熱飲跟，都係$45咋，呢個價錢唔係喺好多地方可以搵到。味道方面，豬扒係新鮮即炸、香脆可口，而蕃茄通湯底濃郁，蒜蓉包同奄列都唔錯，成個套餐嘅味道水平不俗，超出$45嘅水平！加上份量頗多，豬扒大件之餘，仲俾左三塊，非常大方！整體嚟講，食物真係無得挑剔。
服務方面，人手略嫌不足，但侍應做事迅速，唔會hea你，呢一點都係值得一讚嘅！
炸豬扒蕃茄通配蒜蓉包+奄列
$45
161 瀏覽
1 讚好
0 留言
張貼
