Kitchen M (已結業)

好耐無周圍去食野，因為依排掛住減肥，哈哈不過偶然都要去試下好野既，今次就黎到K-11 既Kitchen M試下啦~白色麵包好軟身，入面暖暖的，加埋少少偏咸的牛油，易入口又唔覺得膩啡色麵包比白色的軟身，連牛油一齊食，牛油的咸更加突出到包身的甜，好味凱撒沙律($68)：雖然我不太懂得芝士的種類，但以往食的凱撒沙撒沙律，多數都係加一片片小片的芝士上去，但依度就換轉用芝士粉，咁樣反而仲好，可以平均分佈係每一塊菜上面，但唯一有少少瞬息，係啲麵包粒已經唔脆蟹肉南瓜意大利飯($118)：除左有蟹肉放左係飯面之外，佢將南瓜同蟹肉打成茸同意大利飯混埋，啖啖都有蟹肉，而且鍾意食意大利飯的我，好唔容易先搵到間啲飯無爛飯的感覺，而且又唔硬，所以依個真係值得推介香煎深海鮮帶子炒橄欖油蒜片紅椒扁意粉($138)：帶子無雪味，而且入口唔韌，伴碟的蒜頭經橄欖油炒過，特別香口，意粉雖然有少少辣，但對於我食譚仔食十小辣既我，係接受到，佢果種辣係好似入面已經加左tabusco咁，覺得都幾野味，意粉硬度適中，最初以為份量好少，但食完都覺得岩岩好