壹蒸鍋

話說之前限聚令冇咩邊間食肆係開到比較夜嘅時段 經朋友介紹就上咗呢間食宵夜 第一次覺得好驚喜 因為佢似係中式加日式合璧嘅放題 佢有送一堆海鮮俾我哋用蒸鍋烹調煮熟 當中都有啲好奢華嘅食材 例如有鮑魚、蜆、生蠔等等 再配上多種嘅自選調味料 完全蒸到將啲海鮮嘅鮮味浮現晒出嚟 我自己鍾意加豉油、蔥同埋蒜再加少少辣椒🌶️超正超好食 我仲好驚一陣啲鮑魚就會好韌有排咬 點知整出嚟嘅效果係啱啱好 有少少咬口得來又唔會太靭至於啲中式嘢方面啲燉蛋超滑 另外仲有蒸鱔 都係冇乜骨超多肉 不得不提佢嘅粉絲帶子 用蒜香先醃製再蒸好惹味！而且份量係偏細比較精緻 可以等你先試咗味 真係鍾意然後再encore 包保唔會浪費食物 仲有媽咪好鍾意嘅小籠包可以試到唔同嘅嘢感覺上好豐富！仲有兩層玻璃蒸鍋可以同時處理多種唔同嘅食物 啱晒多心有咩都想食嘅我哋