千杯廊 (已結業)

見到Yahoo！團購賣緊嘉湖海逸酒店$98 『180 分鐘國際美食週六夜宵放題』，心諗酒店自助放題質素差極都有限掛，而且睇到yahoo的描述有好多野食，所以就買左兩張同家姐去食，點知竟然係惡夢的開始⋯⋯一入到去見到個自助餐Bar枱已經嚇左一跳，因為D食物好似得返D菜頭菜尾咁，而且點解會得紅腸、獅子狗同蘿蔔？說好的醬燒雞翼、蟹蓋、秋刀魚呢？冷盤的藍青口、凍蝦係『有』的，『有』的意思係我見到塊介紹牌、一堆青口榖、蝦穀同好多冰，而且從來冇職員refill⋯⋯其他食物無論賣相、味道同熱度都係隔夜菜水平⋯⋯一句講曬，如果你有＄108($98+＄9.8服務費），真係唔洗等到9點鐘去食紅腸、獅子狗、蘿蔔、青口榖同蝦穀，不如行多兩步入銀座間McDonald，花十幾廿蚊食過熱騰騰的魚柳包好過。