霞飛點心拉麵 (已結業)

好開心被安排到卡位，可以俾我地幾個女仔傾計。好彩有幾個人可以樣樣叫d樣樣試d，先叫左前菜，唔記得係咩，但個口感好似d菇類咁，薄薄地，初時睇落去好似好油咁，但就係因為d油先令到碟食物更香，我地都食唔停口。小籠包係一定唔可以錯過既，始終霞飛都係食上海野既。小籠包既皮可以再薄d，因為薄皮加上醋汁可以完全好快咁溶係口中，但整體味道都唔錯。我地每人叫左一碗湯，入面有瓜同海鮮，味道甜甜地，值得推介。最後食左上海粗炒，d醬汁幾好味，好似芝麻醬咁，我加左少少辣醬更惹味。我地傾下食下都食左2個幾鐘，d員工都招呼好好，食物多選擇。