世界の山ちゃん

營業中

休息中

之前睇旅遊節目介紹講呢間山哥雞翼，講到係日本最好食的雞翼，係東京丶名古屋都見過佢的足跡，可惜之前係日本的行程太急，未有機會試。知道山哥係尖咀開左分店，當然要去試下佢的雞翼有幾好食啦。店內環境其實都幾日本地道Feel，而且有唔少店員都係日本人，食客都有2丶3成係日本人，差D都以為自己去左日本，所以本身好有期待。叫左三道食物，分別係烤雞翼丶雙色咖哩飯同埋煱燒烏冬。雙色咖哩飯分為黃丶黑兩隻色，黑色部份係豬雜咖哩，豬雜味道有點腥，而且煮既時間太長，所以口感唔係太好。而黃色部份的咖哩係非常非常普通既咖哩，同你係市面買番黎個種即食咖哩味道冇咩分別，相當失望同無奈.......燒烏冬味道正正常常，有少許腐皮丶雞旦丶椰菜...湯的味道OK，烏冬的口感都唔太差。但整體黎講冇咩特別..不過不失烤雞翼本身真係非常期待。雞翼的Size偏細，肉並不多。肉質烤得比較乾身，雞味不重。最慘的係雞翼的調味並不夠濃，味道同出面串燒店的燒雞翼相比反而重比較差，可能我屋企煮的孜然粉雞翼都比較出色...失望老老實實，環境上我真係覺得幾好，似足日本的居酒屋感覺。可惜最重要的食物味道並無係日本帶到黎香港，空有其表，相當遺憾。