影片
更多
2010-11-12
79 瀏覽
7-11-2010久聞勝利小廚大名, 亦從 B 姨姨口中聽過提過呢度的海南雞飯「幾好食」, 是日喺附近食完白いたいやき (http://www.openrice.com/restaurant/commentdetail.htm?commentid=2129548) 做 "amuse bouche" , 正餐就嚟呢度試試吧.大家叫的海南雞飯 ($42) 及燒豬頸肉飯 ($38) 都係「午市套餐」, 跟了一盅紅蘿蔔粟米湯, 飲落味道夠晒「住家」, 唔 MSG, 火喉亦不錯, 雖然紅蘿蔔略嫌唔太夠腍, 不過整體都滿意的.海南雞飯碟頭勁大 , 賣相亦不錯. 油飯唔「油」, 即使當佢雞汁飯咁食亦唔覺香, 質地就軟撻撻, 唔喜歡; 雞件已去骨, 食落肉夠嫩滑, 雞皮就厚了一點, 而雞味就出奇地好濃 , 感覺似貴妃雞多 d? 套用朋友的說話, 係「唔似海南雞, 不過幾好食」; 仲有另上的酸辣醬汁及豉油, 前者酸多過辣及帶薑味, 後者就完全係食腸粉用的甜豉油 , 配上海南雞, 感覺怪怪的. 朋友的豬頸肉飯就奉上辣汁及甜豉油, 試了少少豬頸肉覺得醃得不錯, 食落香口又夠爽, 雖然乾咗少少, 不過
7-11-2010
久聞勝利小廚大名, 亦從 B 姨姨口中聽過提過呢度的海南雞飯「幾好食」, 是日喺附近食完白いたいやき (http://www.openrice.com/restaurant/commentdetail.htm?commentid=2129548) 做 "amuse bouche" , 正餐就嚟呢度試試吧.
大家叫的海南雞飯 ($42) 及燒豬頸肉飯 ($38) 都係「午市套餐」, 跟了一盅紅蘿蔔粟米湯, 飲落味道夠晒「住家」, 唔 MSG, 火喉亦不錯, 雖然紅蘿蔔略嫌唔太夠腍, 不過整體都滿意的.
海南雞飯碟頭勁大 , 賣相亦不錯. 油飯唔「油」, 即使當佢雞汁飯咁食亦唔覺香, 質地就軟撻撻, 唔喜歡; 雞件已去骨, 食落肉夠嫩滑, 雞皮就厚了一點, 而雞味就出奇地好濃 , 感覺似貴妃雞多 d? 套用朋友的說話, 係「唔似海南雞, 不過幾好食」; 仲有另上的酸辣醬汁及豉油, 前者酸多過辣及帶薑味, 後者就完全係食腸粉用的甜豉油 , 配上海南雞, 感覺怪怪的.
朋友的豬頸肉飯就奉上辣汁及甜豉油, 試了少少豬頸肉覺得醃得不錯, 食落香口又夠爽, 雖然乾咗少少, 不過都幾好食; 辣汁就酸酸的又幾辣吓, 唔算好香, 不過都幾開胃的.
每人約 $40 埋單, 印象 ok, 不過可能食過唔少質素更好的泰式海南雞飯 (例如呢度: http://www.openrice.com/restaurant/commentdetail.htm?commentid=1973730), 呢度的試過就算了.
張貼
