Salt Recipes (已結業)

呢個餐廳位置較隱蔽，係喺一間店舖再入，唔係咁易見到，平日夜晚去人唔多，環境寬敞，食物有質素，服務又好，同幾個閨蜜一齊食野飲野傾計，好舒服！柑橘小蘿蔔沙律（$88）一嚟到已經眼前一亮，色彩鮮豔，賣相一流，加左柑橘落去，好新鮮好fresh！白酒辣忌廉燴藍青口（$125）呢個絕對物超所值，青口好嫩，個汁超好飲，點麵包食索晒啲汁好正！焗挪威鮮魚批（$88）賣相無乜特別，但卻出奇地好食，每一啖都係滿滿嘅三文魚！烤西班牙黑豬頸肉（$248，跟餐）要左7成熟，肉質好嫩，唔鞋口。海鮮焗釀蜆殻粉（$158，跟餐）呢個又係好好食，有8粒大大粒嘅蜆殻粉入面釀滿打碎左嘅海鮮，再加埋啲茄汁同芝士，酸酸地又唔覺漏喎！芬蘭海鹽蘋果金寶（$38）熱食嘅蘋果同肉桂係最住拍檔，再加埋雲呢拿雪糕半溶嘅效果，真係無得輸，份量比較少，但當淺嚐更好。另外仲叫左啲cocktail。