酷廚 (已結業)

D2 Place最近多左好多新餐廳，美國菜、西班牙菜、日本菜應有盡有。經過餐廳見到裝修風格好適合兩個人坐低飲杯咖啡，食住野慢慢傾下心事。香港生活節奏太過緊張，好難搵到一個地方可以靜落黎，體驗下慢活嘅態度。假如你都認同的話，相信依間餐廳可以提供一個休閒嘅環境比你！Dinner Set嘅前菜係牛角包及餐湯煙三文魚牛油果蛋沙律漢堡配香脆薯條 ＄125牛油果同沙律蛋依個配搭都好常見，不過好少會用黎做漢堡餡。但依個配搭襯煙三文魚又唔會好奇怪，反而會令到人覺得好健康，唔會抗拒食油膩嘅漢堡。特別一讚係依度嘅薯條即使放耐左，但都仍然可以保持住香脆嘅口感。美國優質肉眼扒配葡萄酒燒汁跟香脆薯條及時菜 ＄218我點左塊五成熟嘅肉眼扒，因為要一大塊肉眼扒保持住唔會乾身同煙韌嘅口感就一定唔可以太熟。不過廚師控制火候控制得非常好，令到肉汁鎖緊係肉眼扒。並且肉眼扒筋同肉嘅部分非常分明，令我放入口個陣唔會將兩個部分撈埋一齊，破壞左肉眼扒嘅層次。