影片
更多
2014-03-12
531 瀏覽
＄600 蚊可以食乜，帶大家睇真啲。 餐牌是這樣寫的 ： Alaska Crab Meat , Green Apple , Mint Jelly 亞拉斯加蟹腳配青蘋果，薄荷啫喱 張相是上菜之後映的，唔係食淨，見到蟹腳碎嗎？青蘋果就是兩薄片。 湯，我要了 磨菇湯。 負責人介紹湯的時候話，佢地個磨菇湯係將磨菇打到好碎，請問有咩磨菇湯唔係咁做？ 個湯唔夠熱，冇磨菇味，麥皮一樣，金寶湯好飲過佢，金寶湯都應該係將啲磨菇打到好碎。 Entrée 煎鵝肝，仲差過我自己煎，個面你自己睇，燒焦了一樣，難得煎到咁膿都唔脆。 主菜 龍蝦天使麵 ，見到個樣，幾安落，至少見到真係有龍蝦，但係味道咸過咸水海。現場有朋友向有關人士反映，佢話可能因為海鹽喎。 朋友的主菜，澳洲和牛配蔬菜，呢個要加＄60，即係食和牛個餐要＄660 ，當大家以為是一件牛扒的時候，原來只係得幾片，仲要用啲ham 包住，仲有啲唔知咩汁，咁樣去煮M6? 有朋友對我說： 算啦，又要包場，又要免開酒瓶。 大佬，包你個場，因為個場 size 啱，兼且冇生意，免開瓶，係你情我願，我冇迫你，但唔代表啲食物可以咁難食，而且係＄600-＄660 一位，你冇豪
餐牌是這樣寫的 ： Alaska Crab Meat , Green Apple , Mint Jelly 亞拉斯加蟹腳配青蘋果，薄荷啫喱 張相是上菜之後映的，唔係食淨，見到蟹腳碎嗎？青蘋果就是兩薄片。
湯，我要了 磨菇湯。 負責人介紹湯的時候話，佢地個磨菇湯係將磨菇打到好碎，請問有咩磨菇湯唔係咁做？ 個湯唔夠熱，冇磨菇味，麥皮一樣，金寶湯好飲過佢，金寶湯都應該係將啲磨菇打到好碎。
Entrée 煎鵝肝，仲差過我自己煎，個面你自己睇，燒焦了一樣，難得煎到咁膿都唔脆。
主菜 龍蝦天使麵 ，見到個樣，幾安落，至少見到真係有龍蝦，但係味道咸過咸水海。現場有朋友向有關人士反映，佢話可能因為海鹽喎。
朋友的主菜，澳洲和牛配蔬菜，呢個要加＄60，即係食和牛個餐要＄660 ，當大家以為是一件牛扒的時候，原來只係得幾片，仲要用啲ham 包住，仲有啲唔知咩汁，咁樣去煮M6?
有朋友對我說： 算啦，又要包場，又要免開酒瓶。 大佬，包你個場，因為個場 size 啱，兼且冇生意，免開瓶，係你情我願，我冇迫你，但唔代表啲食物可以咁難食，而且係＄600-＄660 一位，你冇豪到俾我。餐廳改了名，祝你好運。
張貼
