影片
更多
2018-07-24
750 瀏覽
放工啦，突然好想食意粉，因為老公仲未放工，所以決定做好我老婆嘅角色，特登去葵芳，同老公一齊食晚飯 上網一search,見到依間餐廳嘅評價唔錯，決定一試。。。點知失望叫左山葵軟殼蟹意大利飯，蒜香豬仔脾意大利粉，加左$20轉餐，有沙律，湯，熱飲同甜品。。。唔知係怕客人等，定係為左方便， d沙律一碗碗放左係雪櫃頂，無遮無掩，我一落單，就見到waiter (可能係老闆)係雪櫃頂拎碗沙律過來。。。一見到，就感覺唔多衛生囉。。。天氣熱，就咁放係到，冇雪又冇野遮住。。。沙律味道正常嘅，只係頭先嘅一幕，已經感覺太差。。。食完沙律，蒜香豬仔脾意大利粉上場，豬仔脾好嫩，好滑，幾好味，不過意粉就落得太多pepper，太辣了。。。突然諗起，我碗湯呢？哦，原來係次序調轉左，食食下意粉，餐湯就黎啦，睇色似牛肝菌湯，但味道就係忌廉湯，仲好咸添😲。。。另一道主菜，山葵軟殼蟹意大利飯， 食到wasabi 味，味道清新，唔會太濃，但軟殼蟹唔新鮮，d肉好削。。。至於甜品，芒果布甸係免費嘅，其他都要加錢，叫左一個芒果布甸，一啖食落去，我即刻吐番出黎，苦嘅，應該是變左另外，加$20 叫左個特濃雲石芝士蛋糕，嘩，好細件啊，份量係
叫左山葵軟殼蟹意大利飯，蒜香豬仔脾意大利粉，加左$20轉餐，有沙律，湯，熱飲同甜品。。。唔知係怕客人等，定係為左方便， d沙律一碗碗放左係雪櫃頂，無遮無掩，我一落單，就見到waiter (可能係老闆)係雪櫃頂拎碗沙律過來。。。一見到，就感覺唔多衛生囉。。。天氣熱，就咁放係到，冇雪又冇野遮住。。。沙律味道正常嘅，只係頭先嘅一幕，已經感覺太差。。。食完沙律，蒜香豬仔脾意大利粉上場，豬仔脾好嫩，好滑，幾好味，不過意粉就落得太多pepper，太辣了。。。突然諗起，我碗湯呢？哦，原來係次序調轉左，食食下意粉，餐湯就黎啦，睇色似牛肝菌湯，但味道就係忌廉湯，仲好咸添😲。。。另一道主菜，山葵軟殼蟹意大利飯， 食到wasabi 味，味道清新，唔會太濃，但軟殼蟹唔新鮮，d肉好削。。。至於甜品，芒果布甸係免費嘅，其他都要加錢，叫左一個芒果布甸，一啖食落去，我即刻吐番出黎，苦嘅，應該是變左另外，加$20 叫左個特濃雲石芝士蛋糕，嘩，好細件啊，份量係一般芝士蛋糕嘅一半，仲有，依件真係雲石芝士蛋糕咩？？唔好以為用d朱古力醬畫幾筆就會變雲石啦我都忍唔住影張餐牌睇下，係唔係我睇錯。。。不過，老實講，依件芝士蛋糕幾好味，有芝士味，又唔會太膩，我係鍾意嘅。。。飲品方面，叫左1杯凍檸水，1杯凍奶茶。。。冰，全部都係冰冰已經佔左3份之2隻杯，只有幾啖可以飲下。。。
對依餐飯嘅評價真係難寫，一直以來，我都希望只寫好嘅食評，因為係開心事，唔開心嘅，好快就過，亦都要俾機會人，但今次真係好想問: 可以告訴我，你喜歡嘅理由嗎？
張貼
