影片
更多
2023-03-12
2680 瀏覽
今日下晝，另一半發現昔日的何必館，在原址以「粵珍」之名重開，加上見到其他評論，表示他們質素還比以前好，招呼亦非常之殷勤，那麼我就好像昔日幫襯何必館的心態，訂位。的確，去到坐低，職員招呼十分殷勤，呢一點係值得讚賞嘅！環境亦非常之乾淨！但係，去到點菜嘅時候就出現咗一個情況，我本來想叫一個「欖角陳皮絲炒斑球」，咁個職員就話：因為而家只剩返四両肉，所以就唔能夠炒出一個例牌。咁我就問佢：如果四両肉即係幾多錢呀，佢就話： $100一両，四両就係$400 ！原本我都諗住叫㗎喇，跟住佢再加左句：你可以用菜薳炒就加$160 ，即係換句話講四両肉加菜薳，就係$560啦！去到呢一度我就諗，本身欖角陳皮絲炒斑球一個例牌係幾多両肉嘅呢？咁我就問佢啦，佢就話一個例牌係六両肉，而一個例牌係$600用欖角陳皮絲炒！但係佢從來冇建議我用返欖角陳皮絲去炒個四両肉，反而佢建議我係加菜薳去炒個四両肉，仲要係額外加$160！正常來講，大家會選擇用$560去食四両肉，定係選擇用$600去食六両肉呢？可能大家覺得我好小家，去得何必館呢啲級數嘅地方，就無謂太計較！但係我個感覺非常唔好，覺得佢做生意唔太老實，點解佢唔建議我用返「欖角陳
的確，去到坐低，職員招呼十分殷勤，呢一點係值得讚賞嘅！環境亦非常之乾淨！
但係，去到點菜嘅時候就出現咗一個情況，我本來想叫一個「欖角陳皮絲炒斑球」，咁個職員就話：因為而家只剩返四両肉，所以就唔能夠炒出一個例牌。
咁我就問佢：如果四両肉即係幾多錢呀，佢就話： $100一両，四両就係$400 ！原本我都諗住叫㗎喇，跟住佢再加左句：你可以用菜薳炒就加$160 ，即係換句話講四両肉加菜薳，就係$560啦！
去到呢一度我就諗，本身欖角陳皮絲炒斑球一個例牌係幾多両肉嘅呢？咁我就問佢啦，佢就話一個例牌係六両肉，而一個例牌係$600用欖角陳皮絲炒！但係佢從來冇建議我用返欖角陳皮絲去炒個四両肉，反而佢建議我係加菜薳去炒個四両肉，仲要係額外加$160！
正常來講，大家會選擇用$560去食四両肉，定係選擇用$600去食六両肉呢？
可能大家覺得我好小家，去得何必館呢啲級數嘅地方，就無謂太計較！但係我個感覺非常唔好，覺得佢做生意唔太老實，點解佢唔建議我用返「欖角陳皮絲」去炒個四両肉呢？如果係咁都係$400姐！我覺得唔係價錢貴定平嘅問題，係做生意應該要老實。
張貼
