影片
更多
2010-04-26
1 瀏覽
從來未食過一間咁差既放題, 開頭行過見好似唔錯諗住試下, 7:45pm問佢話一定要等到8:30先可以入, 叫我留個電話佢8:30有位覆我, 等到8:50見佢都未打黎我就自己打去問, 佢同我講有位叫我過去, 又話有位覆我, 結果要我自己打黎先同我講有位.....去到樓下同果個人講, 佢d態度好差, 好似驚死我白撞咁, 問完一大輪先俾入, 入到去個位好似是旦係路中心放張台俾我坐咁, 同埋好嘈, 完全傾唔到計, 呢個都算, 可能真係多人, 坐低果時9:00, 已經好肚餓, 之後俾左幾張點菜紙佢, d野食黎得超慢, 平時食放題如果一次俾幾張點菜紙佢通常結果都係放到成台都係野食, 但係今次台面冇試過多過2碟野食, 漏單情況極嚴重, 坐左成個鐘我叫既野食佢只係黎左一半, 仲要同我講冇三文魚, 野飲又要另外叫$8/ 罐.刺身唔新鮮, 北寄貝完全冇味, 甜蝦拎黎果時個面仲有d冰碎.... 平時好鍾意食燒鯖魚, 唔好食既最多都係整得太耐乾左, 但係佢果d係腥既, 一放入口即刻吐返出黎, 個鴨胸xx卷淨係覺得食緊一舊凍既野, 天婦羅好多炸粉仲要"林"既, 個蒜片牛肉粒d牛肉仲好似變壞左, 羊鞍"蘇"到完全
刺身唔新鮮, 北寄貝完全冇味, 甜蝦拎黎果時個面仲有d冰碎.... 平時好鍾意食燒鯖魚, 唔好食既最多都係整得太耐乾左, 但係佢果d係腥既, 一放入口即刻吐返出黎, 個鴨胸xx卷淨係覺得食緊一舊凍既野, 天婦羅好多炸粉仲要"林"既, 個蒜片牛肉粒d牛肉仲好似變壞左, 羊鞍"蘇"到完全食唔落口, d野難食到我同個朋友都食到燥燥地, 未食飽就埋單走人, 呢間真係我食過最差既放題, 請我都唔會再去.
張貼