影片
更多
2017-12-30
838 瀏覽
點解用”諗唔到”做開頭，係因為...真係諗唔到點解可以咁多人，諗唔到點解啲食物咁迷你，最後係諗唔到點解餐廳環境咁迫夾。一心出旺角，以為可以試下去未食過嘅餐廳🍴食下飯兩公婆浪漫一下💕，左一句肚餓加右一句是旦啦，就去咗一間未食過既放題餐廳食放題喇。星期五仲要起晚餐時段，老實說我諗唔到無訂枱居然有位，仲要唔駛等就可即係入坐，仲可以食到8:30，以為係無咩人嘅餐廳代表唔好食，點知行多一步，「哇」人頭湧湧，多人到呢⋯⋯，侍應居然叫我同老公分開入，因為要臉對臉坐，我哋起懵懵下唔明點解打對面坐要分開入坐嘅時候，睇到嗰環境，終於明白喇，因為每張枱之間只係夠一隻手指過咋，無睇錯係一隻手指，食指👆長度距離（原諒我影唔到真相，真係太太太近，影到隔離就唔好啦）窄到坐低咗唔好意思起身嗰種，無計唯有食囉。食物品種比較之前食過六，七間，這間真的好多好多選擇，不論係刺身，壽司，熱葷，冷盤小食，甚至甜品，每種都有十幾個選擇，比較冷門嘅炸鮮奶，燒鰻魚，酸薑都有。刺身，唔係食梗冰，每款都有自己味道，比較唔好食係帶子，鮑片，甜蝦，其他都好食，太多款好難寫晒，重覆order好多次。食放題好少食到壽司🍣，怕易飽蝕咗，不過呢度就唔
一心出旺角，以為可以試下去未食過嘅餐廳🍴食下飯兩公婆浪漫一下💕，左一句肚餓加右一句是旦啦，就去咗一間未食過既放題餐廳食放題喇。
星期五仲要起晚餐時段，老實說我諗唔到無訂枱居然有位，仲要唔駛等就可即係入坐，仲可以食到8:30，以為係無咩人嘅餐廳代表唔好食，點知行多一步，「哇」人頭湧湧，多人到呢⋯⋯，侍應居然叫我同老公分開入，因為要臉對臉坐，我哋起懵懵下唔明點解打對面坐要分開入坐嘅時候，睇到嗰環境，終於明白喇，因為每張枱之間只係夠一隻手指過咋，無睇錯係一隻手指，食指👆長度距離（原諒我影唔到真相，真係太太太近，影到隔離就唔好啦）窄到坐低咗唔好意思起身嗰種，無計唯有食囉。
食物品種比較之前食過六，七間，這間真的好多好多選擇，不論係刺身，壽司，熱葷，冷盤小食，甚至甜品，每種都有十幾個選擇，比較冷門嘅炸鮮奶，燒鰻魚，酸薑都有。
刺身，唔係食梗冰，每款都有自己味道，比較唔好食係帶子，鮑片，甜蝦，其他都好食，太多款好難寫晒，重覆order好多次。
食放題好少食到壽司🍣，怕易飽蝕咗，不過呢度就唔太怕，因為明顯貴價壽司係迷你版，啲飯得一節手指左右咁多，手卷都只是250ml紙盒飲料咁高，超迷你。味道好食，飯有醋味但唔酸，而且暖的，一啖就可以放晒入口，我平時都要咬開一半先得。海膽好少，味道一般，明顯唔係新鮮。
講到熱葷，太多選擇，有好多款都無時間影相，鹽燒牛舌、炸蠔、天婦羅炸蝦、炸鮮奶、蒜香一品牛柳粒、辣汁花螺、蒲燒鰻魚、雞軟骨串、蟲草花雞湯、雲石芝士蛋糕全部都好味道，比較好有牛舌，唔韌，雞軟骨好脆，牛柳粒超好味，炸鮮奶少少甜，口感唔漏，燒鰻魚，呢幾種好好味，炸蝦好吃但蝦未全熟，仲有少少透明，炸蠔好細粒，辣汁花螺得兩粒，蟲草卜花雞湯又係迷你版，這款湯好油下味道一般，雲石蛋糕好味。
話有90分鐘，不過唔係食足，好多時間要等張枱太細，放得唔多，出食物好慢，所以平常食完放題個肚脹爆咁，今次好似唔知食咗去邊，一啲飽嘅感覺都無就話夠鐘，諗唔到會唔會有下次，如果真係無下次又唔太想，真心係好味道的，只不過周圍環境令你唔知點嘅感覺。
蟹棒壽司
8 瀏覽
0 讚好
0 留言
三文魚腩壽司及黑松露油𨋢魚
30 瀏覽
0 讚好
0 留言
海膽手卷
21 瀏覽
0 讚好
0 留言
$251
18 瀏覽
0 讚好
0 留言
張貼
