Oasis Bar & Grill (已結業)

今日嚟到尖沙咀諾士佛台嘅西餐廳Oasis Bar & Grill食飯，餐廳嘅裝修以時尚簡約為主，亦都已經佈置左唔少聖誕裝飾，令到成個環境都好有聖誕氣氛。酥炸原隻軟殼蟹蟹肉蟹膏意大利飯軟殼蟹炸得非常之酥脆，外脆內軟，入邊仲有唔少肉汁添。意大利飯入口唔會太過膩，連埋蟹膏同蟹肉一齊食真係好鮮味啊。香煎北海道帶子蒜香辣椒墨魚汁意粉北海道帶子入口非常之彈牙，仲有淡淡的鮮甜味，墨魚汁意粉帶少少辣味，好惹味呀。雜莓香濃朱古力撻伴紅莓醬呢個甜品嘅賣相非常之精緻，朱古力嘅味道好濃郁，連埋紅莓醬一齊食可以解膩。整體來講，今餐嘅食物質素都唔錯，每一道菜式都幾有心思。