韓國宮

營業中

休息中

星期五處處都訂不到位， 見這間有12個Good就試一吓喇。 一行8人叫了個千多元的8-10人套餐，先來了前菜， 其中有兩碟是翠玉瓜天婦羅， 一碟只有兩片， 我們8個人， 都唔知點分。 問佢可否添加， 答案是只可加泡菜。 但其實你之後要求加泡菜佢都是極不情願， 叫6次來應2次。燒烤的有4碟 ─- 豬、牛、雞、牛肋骨。份量跟一般午市一人餐無異。每人每樣分唔到一塊。 最差是用來包光烤肉吃的生菜， 根本就不足， 要添就$50一碟， 簡直獅子開大口。 熟食有魚、炒粉絲、年糕、石頭飯、蔥餅和人蔘雞。 魚只得條， 大小就像一般紅衫魚，每人只得兩三口。 炒粉絲仲離譜，每人一口。 年糕份量等同3條腸粉。 石頭飯更不堪， 連飯焦每人得湯匙。 蔥餅就每人一小角， 人蔘雞就小半碗。 加了支米酒，埋單$1,4xx。 出門口大家都異口同聲說像沒吃過東西一樣。 要跑去iSquare Baby Cafe 每人來個晚餐。 韓國宮食物份量超少不在話下， 燒烤肉跟放題貨色一樣， 味道不見出色。 招呼又差， 找不到一點可取的地方。