影片
更多
2021-07-12
405 瀏覽
環境悠閒又令人覺得舒服，係傾計既好地方！可惜無book位，坐唔到好出名既打卡位，打卡位望出窗外係對著擺花街同李活道交界既交界，非常愜意～ 不過裡面環境都唔錯，好似去左另一個時空咁，裝修黑白簡潔～ 至於野食方面幾好食👍🏻 配搭幾新鮮，用料講究！日頭係cafe，夜晚係靜靜地既bar~ 有機會都想夜晚再嚟試下🤤DOUBLE Prawn Pasta 🦐🍝 (好味指數：😍😍😍😍) - $228好足料👍🏻 用既係西班牙🇪🇸紅蝦，色澤明亮，蝦味濃郁，連蝦頭既蝦膏都好正，香濃甘甜🤩 蝦身都剝左殼方便食，不過蝦肉無平時食開既咁彈牙，梅左啲～ 同埋賣相上有唔少蝦頭都同蝦身分開左無咁靚～ 至於手工意粉比平時機器整既粗，咬落帶啲煙韌，亦都好掛汁，連啲汁都好重蝦味，索晒啲精華😍 呢個唔多見，食完好滿足！“Kurobuta” Pork Belly Bun 🐷🟣🍔 (好味指數：😍😍😍😍🤩) - $168見好多人都試Katsu sando，所以反而有興趣試下無咁多人提既burger！食落有一如既往食burger既滿足感！經過慢煮同烤過既pork belly肉質肥美，鬆軟嫩滑又juicy，有啲入口即溶既感覺🤩 肉同脂肪
DOUBLE Prawn Pasta 🦐🍝 (好味指數：😍😍😍😍) - $228
好足料👍🏻 用既係西班牙🇪🇸紅蝦，色澤明亮，蝦味濃郁，連蝦頭既蝦膏都好正，香濃甘甜🤩 蝦身都剝左殼方便食，不過蝦肉無平時食開既咁彈牙，梅左啲～ 同埋賣相上有唔少蝦頭都同蝦身分開左無咁靚～ 至於手工意粉比平時機器整既粗，咬落帶啲煙韌，亦都好掛汁，連啲汁都好重蝦味，索晒啲精華😍 呢個唔多見，食完好滿足！
DOUBLE Prawn Pasta
$228
25 瀏覽
1 讚好
0 留言
“Kurobuta” Pork Belly Bun 🐷🟣🍔 (好味指數：😍😍😍😍🤩) - $168
見好多人都試Katsu sando，所以反而有興趣試下無咁多人提既burger！食落有一如既往食burger既滿足感！經過慢煮同烤過既pork belly肉質肥美，鬆軟嫩滑又juicy，有啲入口即溶既感覺🤩 肉同脂肪既比例啱啱好，加上烤過無咁肥，加埋自家製BBQ醬好正～ 同時配埋酸酸甜甜既紫椰菜絲，爽口又開胃，完全唔漏～ 連包都好用心，Brioche bun有烘過，甜甜地之餘鬆軟香口！唯一要挑剔既就係薯條🍟係幼既，食落無咁滿足，亦無咁大薯味～
“Kurobuta” Pork Belly Bun
$168
22 瀏覽
2 讚好
0 留言
Burnt Cheesecake 🔥🧀🍰 (好味指數：😍😍😍😍) - $68
樣貌普通，但一食覺得好幸福😍 芝士香軟幼滑，亦都好香蛋味，所以有少少食緊厚身Crème Brûlée既feel～ 中間原本應該係流心，不過今次就稍為杰左啲但都好香濃，同埋表皮燒焦既部分可以焦脆啲，都食得出由烤到微焦既面層、內層軟綿同埋中間杰左既流心既三種質地！口感介乎於日式🇯🇵芝士蛋糕同紐約🇺🇸芝士蛋糕既之間，即使食lunch set已經好飽，但依然忍唔住要食晒～ 如果調埋無咁甜就更加perfect~
Burnt Cheesecake
$68
15 瀏覽
0 讚好
0 留言
Crispy Brussels Sprouts🥬 (好味指數：😍😍😍😍🤩) - Free
只要lunch叫左big plate，就可以喺4個小食裡面揀一個係送既😍 令人surprise既係即使係免費既，依然好高質，亦都幾大碟👍🏻 平時自己煮既話多數係白烚，今次食脆既感覺好特別，食落好似食緊薯片咁，薄得嚟好脆，帶有啲焦香真係超好食😍 唯一要挑剔就係鹹左啲，但依然好似食零食咁上左癮食晒😂 如果唔係真係比爆分佢！
Crispy Brussels Sprouts
17 瀏覽
1 讚好
0 留言
Roasted Cauliflower ⚪️🥦 (好味指數：😍😍😍😍🤩) - Free
開頭煮到半熟，再搽牛油去焗，跟住加秘制蒜蓉汁同anchovy，跟住再焗一次，令到食落更加香口，表面係微金黃色，夠乾身，好惹味～ 有特別既鹹香同鮮味！差唔多係食過最好食既椰菜花之一，純粹比之前既Brussels Sprouts一比所以就稍為低分左少少～
Roasted Cauliflower
14 瀏覽
1 讚好
0 留言
好味指數：😍😍😍😍🤩
推介指數：😍😍😍😍
張貼
