Whitewood Coffee (已結業)

星期一入仔仔上興趣班，一個鐘梗係搵地方坐下啦！入去飲杯野，坐住等仔放學。由於食完飯一陣，所以冇叫野食，只叫咗一杯士多啤梨玫瑰茶。原本冇乜期望，但一送上枱時真係有少少喜岀望外嘅感覺。賣相不錯，更欣賞用鐵飲管，支持環保♻️👍🏻味道亦唔錯，飲落有淡淡玫瑰香，也有士多啤梨味，唔係藥水味，仲見到士多啤梨籽架！唯一係細杯左啲囉！從飲用角度$34 細細杯，性價比唔高，飲幾啖就飲晒，仲貴過星巴X飲咖啡，不過 $34 優優閒閒坐一個鐘又確實不錯的。