影片
更多
2013-12-18
299 瀏覽
因為要開通宵，跑馬地又唔係多選擇，又唔想走去麥記，故此同男朋友一起走去HMV Kafe 試新嘢。本來男朋友為咗遷就小妹先去HMV Kafe 食蛋糕到此一遊，但係後來發現裡面有天井，氣氛不錯有情調，有自成一角之感，人少少都可以直吐不快，令煙民男朋友感覺驚喜，之後亦好樂意坐低，邊食邊傾。另外嘅驚喜係原來個場係有Wine List，怪不得隔離檯有兩位索女摸緊酒杯底，加上星期五同六收凌晨一點，自此起跑馬地有多個乾淨企理嘅落腳點可以靜靜地飲酒傾偈喇。男朋友一開波因為無可樂所以叫蘋果汁，再加一個Beef and Cheese 嘅小食 (對唔住，唔記得全名，係有芝士同碎牛肉的薄脆片)，而小妹雖然見食評幾乎人人都叫Jazz，但係興之所至，叫咗杯 Hot R&B。自稱新來嘅職員亦好熱情向小妹介紹場內嘅音樂產品，小妹亦走去試聽，可惜唔可以起Bar檯拎個平板電腦返位聽，聽得咁上下，職員示意返埋位食嘢。而職員上蘋果汁嗰時都幾decent，有冰底水杯上。個小食有青豆、沙沙同酸忌廉三款醬跟埋一齊上，色香味中規中矩。起初小妹諗住叫件蛋糕配咖啡，誰知試咗一口咖啡，就打消呢個念頭。原來R&B 雖然有黑朱古力漿同白朱古力
因為要開通宵，跑馬地又唔係多選擇，又唔想走去麥記，故此同男朋友一起走去HMV Kafe 試新嘢。本來男朋友為咗遷就小妹先去HMV Kafe 食蛋糕到此一遊，但係後來發現裡面有天井，氣氛不錯有情調，有自成一角之感，人少少都可以直吐不快，令煙民男朋友感覺驚喜，之後亦好樂意坐低，邊食邊傾。
另外嘅驚喜係原來個場係有Wine List，怪不得隔離檯有兩位索女摸緊酒杯底，加上星期五同六收凌晨一點，自此起跑馬地有多個乾淨企理嘅落腳點可以靜靜地飲酒傾偈喇。
男朋友一開波因為無可樂所以叫蘋果汁，再加一個Beef and Cheese 嘅小食 (對唔住，唔記得全名，係有芝士同碎牛肉的薄脆片)，而小妹雖然見食評幾乎人人都叫Jazz，但係興之所至，叫咗杯 Hot R&B。
自稱新來嘅職員亦好熱情向小妹介紹場內嘅音樂產品，小妹亦走去試聽，可惜唔可以起Bar檯拎個平板電腦返位聽，聽得咁上下，職員示意返埋位食嘢。
而職員上蘋果汁嗰時都幾decent，有冰底水杯上。個小食有青豆、沙沙同酸忌廉三款醬跟埋一齊上，色香味中規中矩。起初小妹諗住叫件蛋糕配咖啡，誰知試咗一口咖啡，就打消呢個念頭。
原來R&B 雖然有黑朱古力漿同白朱古力漿，但係一啲唔甜唔膩，原因係上面層樣似忌廉嘅混合物的口感有如chocolate moouse，加埋下面有啲苦澀味嘅咖啡，混合起來嘅味道就好似dark chocolate cake咁，
所以留返下次先食蛋糕。最後要讚一讚位自稱新來嘅騎呢更職員，招呼周到，對答大方，襯得返個場。
張貼
