I am.. bakery (已結業)

寶琳地鐵站對面呢間麵包舖個名叫做 I am.... , 幾特別，所以琴日入去試吓佢嘅麵包。各式各樣嘅麵包、西餅同曲奇都有。由於諗住買個大麵包作為第二朝嘅早餐，所以選擇左裸麥麵包15元。貪佢夠健康，裸麥喎。未食之前聞到個麥味好香。不過呢個麵包相當之乾，要一邊飲野一邊食。另外，麵包皮好硬，我老豆話除咗用手滅，基本上係咬唔開。個麵包，除咗讚小麥味重之外，味道非常一般。又乾又硬。裸麥雖然健康，其實注重健康食材之餘，應該都顧下好唔好食，食咗一次已經唔想食第二次，再健康都冇用。