McCafe

營業中

休息中

哈哈哈，媽媽問食唔食m記栗子蛋糕，一個好字就有得食喇！仲要做外賣仔係佐敦買返黎。返到黎都差唔多成個鐘，擺返入雪櫃夜晚先食。原來麥當當有栗子蛋糕我都唔知，今次等一次食，媽媽買左藍莓芝士餅同栗子蛋糕。嘻嘻有栗子蛋糕食好開心！聽日先減肥啦！切左一半黎食先記得影橫切面。其實前面係一層栗子蓉一層栗子忌廉一層清蛋糕再一層栗子忌廉再一層清蛋糕，哈哈哈，唔知自己講緊咩。總之俾我食左個部分係有五層啦，再加多粒栗子。我唔客氣喇，栗子蓉味道淡淡的，唔夠東海堂咁濃，但還可接受。值得一讚係栗子忌廉個部分，平時我係唔食白色個啲忌廉，但呢個口感比普通忌廉結實，可以接受，同埋有小小栗子味唔錯。粒栗子不過不失，當然無炒栗子個啲咁好味啦。成淡咬落去係感受到清蛋糕既軟同香蛋味，會一淡一淡食哂都唔知，好味！個藍莓芝士餅都係切左一半黎食先記得影個橫切面，哈哈哈！藍莓既部分並唔係好似其他餅店咁一大pat新鮮藍莓果醬查係面有一粒粒藍莓係度，而係得兩行既部分有小小藍莓醬，並沒有一粒粒藍莓係度。佢呢個藍莓果醬有啲怪，同個芝士餅唔係好夾同埋太甜，畫蛇添足，下次都係食返芝士餅算。