影片
更多
2015-01-15
1702 瀏覽
之前銅鑼灣舊舖已經試過，相當唔錯！上環新舖仲未幫襯，所以襯聖誕節同女朋友去回味一番。環境比起舊舖更舒服，開揚。老闆安排咗個落地玻璃座位比我地，喺悅耳嘅音樂底下望住街景燭光晚餐，嘩！好浪漫哦！聖誕大餐由香脆嘅蒜蓉包開始。同出面嘅比，簡直兩回事；包外脆內軟，蒜蓉與香料配搭完美，係一個好嘅開始。之後係海鮮拼盤，有Oyster, Crab Cake, salmon tartar同埋帶子。賣相可愛，味道一流！生蠔超生鮮，又係我最鐘意嘅salty but not too creamy嗰款，正！。帶子煎到外脆內鮮，再配埋黑松露醬一齊食，味道非常夾。蟹餅同三文魚他他就中規中矩。拼盤之後係龍蝦濃湯，龍蝦味道極濃而鮮，相信大廚落足料同埋淆咗好耐。仲有隻小龍蝦伴住，賣相好正又用心到位！之後到Entree, 係肉醬意式卷，面頭有香濃嘅芝士包住，肉醬本身亦做到有肉香，好味！食完Entree已經有少少飽，所以我同老闆講Main Course唔洗咁快上，等我地落吓隔先，順便可以同女友談吓情，Wakaka!主菜我揀咗Ribeye，5乘熟。Chef做到我嘅要求。肉質嫩，牛味重，加埋蒜片同燒汁一齊食，味道非常豐富。女朋友
環境比起舊舖更舒服，開揚。老闆安排咗個落地玻璃座位比我地，喺悅耳嘅音樂底下望住街景燭光晚餐，嘩！好浪漫哦！
聖誕大餐由香脆嘅蒜蓉包開始。同出面嘅比，簡直兩回事；包外脆內軟，蒜蓉與香料配搭完美，係一個好嘅開始。之後係海鮮拼盤，有Oyster, Crab Cake, salmon tartar同埋帶子。賣相可愛，味道一流！生蠔超生鮮，又係我最鐘意嘅salty but not too creamy嗰款，正！。帶子煎到外脆內鮮，再配埋黑松露醬一齊食，味道非常夾。蟹餅同三文魚他他就中規中矩。拼盤之後係龍蝦濃湯，龍蝦味道極濃而鮮，相信大廚落足料同埋淆咗好耐。仲有隻小龍蝦伴住，賣相好正又用心到位！
之後到Entree, 係肉醬意式卷，面頭有香濃嘅芝士包住，肉醬本身亦做到有肉香，好味！
食完Entree已經有少少飽，所以我同老闆講Main Course唔洗咁快上，等我地落吓隔先，順便可以同女友談吓情，Wakaka!
主菜我揀咗Ribeye，5乘熟。Chef做到我嘅要求。肉質嫩，牛味重，加埋蒜片同燒汁一齊食，味道非常豐富。
女朋友揀咗Lobster Thermidor。分量十足，非常抵食！女友share咗啲比我食，我一食就知係新鮮嘅貨色，加上芝士同Chef嘅秘製醬汁，濃而不膩，鮮味十足，我比十分滿分！
最後甜品更加係一個完美嘅句號。我同女友都非常滿意！相信短時間內會再去幫襯。
張貼