影片
更多
2020-05-04
1654 瀏覽
2020年4月28日 星期二“還記得櫻花正開 還未懂跟你示愛 初春來時 彼此約定過 繼續期待”因為疫情之下，雖然放咗一個星期復活節假期，不過都唔可以出去外遊，特別係唔可以返到鄉下日本賞櫻。。。冇辦法之下唯有同女朋友周圍去食日本菜以解思鄉之愁，今日去嘅地方就係喺銅鑼灣搭電梯一上到去開門就見到餐廳門口，好光猛寫住餐廳嘅名入到去發現裝修好簡約，有個長長嘅壽司吧枱，方便客人食omakase，感覺真係入咗去日本銀座嘅高級餐廳咁叫咗嘢食之後等左一陣就有食物送到，首先到既係各款前菜，有胡麻菠菜，菠菜浸得好腍，每一啖都食到麻醬味。另外有明太子玉子燒同茶碗蒸，好明顯係兩款唔同處理蛋嘅方法，但係同樣帶出雞蛋嘅鮮味之後就有女朋友叫嘅三色丼，主要用左鰹魚、蟹籽同油甘魚腩，我哋第一次見到黃色嘅蟹籽，食落去同普通嘅蟹籽分別唔大，不過多左少少海水味。至於油甘魚腩既油脂融入左飯到，一齊食又唔會覺得油膩至於我就叫咗個鰻魚飯，冇諗過份量會咁大，淨係鰻魚都有三四條，仲要好厚身，差唔多覆蓋晒成個表面，好容易就夾到落去，代表唔靭，食落去充滿魚油，係置身於日本既感覺！！呢一個食物質素同環境真係好似將我帶到去日本咁，令到我更加期
“還記得櫻花正開 還未懂跟你示愛
初春來時 彼此約定過 繼續期待”
因為疫情之下，雖然放咗一個星期復活節假期，不過都唔可以出去外遊，特別係唔可以返到鄉下日本賞櫻。。。
冇辦法之下唯有同女朋友周圍去食日本菜以解思鄉之愁，今日去嘅地方就係喺銅鑼灣
搭電梯一上到去開門就見到餐廳門口，好光猛寫住餐廳嘅名
入到去發現裝修好簡約，有個長長嘅壽司吧枱，方便客人食omakase，感覺真係入咗去日本銀座嘅高級餐廳咁
叫咗嘢食之後等左一陣就有食物送到，首先到既係各款前菜，有胡麻菠菜，菠菜浸得好腍，每一啖都食到麻醬味。另外有明太子玉子燒同茶碗蒸，好明顯係兩款唔同處理蛋嘅方法，但係同樣帶出雞蛋嘅鮮味
之後就有女朋友叫嘅三色丼，主要用左鰹魚、蟹籽同油甘魚腩，我哋第一次見到黃色嘅蟹籽，食落去同普通嘅蟹籽分別唔大，不過多左少少海水味。至於油甘魚腩既油脂融入左飯到，一齊食又唔會覺得油膩
至於我就叫咗個鰻魚飯，冇諗過份量會咁大，淨係鰻魚都有三四條，仲要好厚身，差唔多覆蓋晒成個表面，好容易就夾到落去，代表唔靭，食落去充滿魚油，係置身於日本既感覺！！
呢一個食物質素同環境真係好似將我帶到去日本咁，令到我更加期待下一次嘅旅行！！
張貼
