西貢金雞海南雞

營業中

休息中

大大話話響荃灣返左成年工，差吾多每日都經過金雞門口，但就從來未食過。今日OT 完唸吾到食咩好，行經呢邊發現金雞門口有人排隊，冇咩心水之下就食試呢間啦。兩個人點左個二人餐，去骨海南雞+滷水狀元蹄，時菜，老火湯，飯，餐飲全包。海南雞超大份，雞脾肉好嫩滑，配薑蓉正，薑蓉係自家製，吾多油，食完可以再加豬腳炆得好入味，肉又夠腍老火湯應該係真材實料冇味精，因為飲完成晚都吾覺得口渴。至於飯方面，識食一定食油飯，白飯簡直冇得比！埋單計盛惠$139, 勁抵食食緊果時都有留意到隔離枱點左魚香肉餅，又係超大份，賣相都幾吸引，下次黎就試肉餅。