川莊

營業中

休息中

朋友介紹去朗豪坊川莊食烤魚好好食，仲話中午唔使排咁耐隊，我梗係去試下啦。我覺得酸菜泡椒烤魚好食， 魚可以簡江團魚或者海鱸魚，我喜歡江團魚冇乜骨。原條江團魚放係爐上面煮， 非常大條，一口一啖完全冇骨， 入口魚味，辣味，鮮味一次過出現。 酸菜泡椒有層次，先酸甜後香辣！個魚湯咁正唔好浪費，加咗三款配菜每款都係$25。魚加配菜一齊煮，識食呢！有牛肚、凍豆腐同埋鮮腐竹，凍豆腐同埋鮮腐竹吸晒啲湯汁，一啖入口，酸辣滿分。朋友話牛肚一定要叫，因為鹵得非常好食，又夠淋。川莊嘅茶好足料，玄米，菊花，冰糖、紅棗，茶葉鋪滿杯底，沖泡出嚟嘅茶非常好飲，仲可以清下口中的酸辣。