黃枝記 (已結業)

上次請咗朋友食咗日本拉麵，今次佢為咗還我呢個人情，話請返我食麵。佢問我想唔想食翻拉麵，我就話今次想食本土嘅雲吞麵多d。但係既然係請我食雲吞麵，冇理由食茶餐廳咁冇要求，所以識食一定係食----黃枝記!!!今日我哋嚟咗黃枝記嘅銅鑼灣新分店，喺樓下一望黃枝記嘅長樣，氣勢不凡！ 一坐低望住個Menu我哋嘅選擇困難症又發作， 我好鍾意食佢哋嘅雲吞，但係同時間亦迷戀佢哋嘅牛腩同豬手。朋友就好鍾意食佢嘅豬潤，因為夠彈牙、柔軟，同埋出面好少食到。就係甘，大家唔知點樣決定嘅時候店員同我地講，其實我地可以叫一個拼盤，咁就可以食齊雲吞、水餃、牛根腩、豬手同埋冬菇青菜！我哋認為呢個係對大家最好既決定。朋友堅持叫個豬潤細麵，我就叫左蝦子撈麵 share。呢個拼盤一上桌真係想拍手讚好，全部都係招牌名菜。豬手柔軟膠原豐富，百食不厭！ 牛腩非常入味，而且用腩汁用來撈麵更加一舉兩得！ 雲吞同水餃真係唔使講，大家都知有幾好味！ 黃枝記嘅手打麵真係做得非常出色，每條麵均衡而且彈力十分，食一食，一路拉麵，真係無敵好食！而且冇鹼水味，軟硬度適中，真係一碗係唔