Simplylife Bakery Cafe

營業中

休息中

同肥柑太睇完戲，行行下又有dd餓，見到simply life唔多人就提議去試下。柑太一向都係鍾意elegant既店舖，呢間simplylife就完全合晒佢心意。門口放左一大排凍櫃畀食客睇下各式各樣既甜品，眼球上既刺激唔單只係食物上，就連四周既色配同簡約既裝潢都令幫襯既食客無啦啦升幾個呢。雖然畀人覺得高檔次，但價錢卻出奇地平民，一件餅三十幾蚊？一杯野飲又係三十蚊？點做生意架？咁平？最緊要係好食又好飲先抵死。一杯latte沖調得剛剛好，入口無燒焦既咖啡味，奶味適中，拉花亦唔變形，配合歐式格調既杯下，每一啖畀到你既唔係集團式咖啡店既中產，而係上流社會既品味。草莓芝士餅個餅底有少少鬆，而草莓味道幸好唔係太酸，雖然分量比較小，但作為下午茶就剛好。丹麥條就脆下，入面既吉士醬唔膩，而配合野莓既酸就更能帶出吉士既甜，同埋蘇皮既脆同埋層次。慢慢二十分鐘左右既下午茶，食住價廉物美既食物真係覺得係享受。下次有機會要再試埋午餐同晚餐。而柑太亦叫我下次買個火焰蛋糕畀佢做生日。