影片
更多
2021-01-11
222 瀏覽
唔講唔知，原來西洋菜南街嘅譚仔三哥係三哥跳出黎創業時，開嘅第一間店！呢間分店對譚仔三哥黎講可以話係別具意義！餐廳內重保留左一大幅舊店嘅相，充滿紀念價值！講返今次食過嘅野，試左唔少新野，真係令我對譚仔三哥更欲罷不能🤣【花膠胡椒雞美線】$48「美線」呢個名可以話係語帶雙關，一來配合返譚仔獨有嘅譚仔話，二來係食完有美顏效果😂 點樣美顏？睇下相都見到個米線有三大舊花膠，係三大舊呀！食完真係骨膠原up up up！🤗 d雞都好正，一碗有5、6舊雞，都好大舊，而且嫩滑！呢碗「美線」我一定會再食😋我老公都係叫左花膠胡椒雞美線，佢再加左魚片（加$12），好多塊魚片，好大塊！📣📣❗️❗️好消息，而家魚片同豬肚都係恆常可以加配喇！【口水三素】（加配價$14）三素包括有豆卜、鮮冬菇絲、雲耳，配埋三哥自家口水汁，有麻香，但唔會太辣，除左食油菜，食下三素都唔錯😋【蒜燒茄子】（$16）茄子煮得夠腍，最正係面頭嘅蒜😍 唔係純粹一大陣蒜味，係少少燒焦嘅蒜香，食落係又香又蒜😋 而且茄子都幾多，同朋友share 真係岩哂！【土匪雞翼】$30/5隻真係黎親三哥都要叫，碟雞翼一送上黎，香香孜然味🤤 味道唔洗多講，大家都會覺得好食
講返今次食過嘅野，試左唔少新野，真係令我對譚仔三哥更欲罷不能🤣
【花膠胡椒雞美線】$48
「美線」呢個名可以話係語帶雙關，一來配合返譚仔獨有嘅譚仔話，二來係食完有美顏效果😂 點樣美顏？睇下相都見到個米線有三大舊花膠，係三大舊呀！食完真係骨膠原up up up！🤗 d雞都好正，一碗有5、6舊雞，都好大舊，而且嫩滑！呢碗「美線」我一定會再食😋
我老公都係叫左花膠胡椒雞美線，佢再加左魚片（加$12），好多塊魚片，好大塊！
📣📣❗️❗️好消息，而家魚片同豬肚都係恆常可以加配喇！
【口水三素】（加配價$14）
三素包括有豆卜、鮮冬菇絲、雲耳，配埋三哥自家口水汁，有麻香，但唔會太辣，除左食油菜，食下三素都唔錯😋
【蒜燒茄子】（$16）
茄子煮得夠腍，最正係面頭嘅蒜😍 唔係純粹一大陣蒜味，係少少燒焦嘅蒜香，食落係又香又蒜😋 而且茄子都幾多，同朋友share 真係岩哂！
【土匪雞翼】$30/5隻
真係黎親三哥都要叫，碟雞翼一送上黎，香香孜然味🤤 味道唔洗多講，大家都會覺得好食，醃得好入味多汁，正！
【青蘋果梳打】（加配價$11）
我平時去食三哥就好少試特飲，因為怕中伏，同埋我好怕太甜嘅野😜 但今次賀一賀新開張，就即管試試啦！真係意想不到嘅好飲，飲落係清新青蘋果汁咁，唔會太酸太甜，配埋梳打真係絕配，我個人中意呢個味😍
重點‼️有愛玉😍😍 一邊飲一邊食下愛玉，中和返食米線嘅重口味，正呀😍
【熱情果烏龍茶】（加配價$11）
同樣係好fresh ，熱情果味好突出，唔會太酸，烏龍茶香四溢，清清地，好岩送米線呀！呢杯特飲係配寒天QQ，吸住食😜
⭕️‼️順便提一提大家，以前限定推出嘅【鹹檸梳打】，而家大家可以隨時叫喇！佢已經列入左三哥恆常飲品了，加配價$11👍🏻
環境方面：
經過重新裝修後嘅譚仔三哥，地方闊落左，所有嘅枱櫈都重新設計，有長枱、吧枱，重有一大一小圓形相連嘅枱，滿足到唔同嘅食用人數，遲d限聚令完左可以叫埋三五知己黎感受一下呢到闊寬嘅舒適，回味一下香港人都一定食過嘅味道😙
張貼
