宏富雲南米線 (已結業)

今日經過見到好多人排隊，所以都跟隊買嚟試吓，估唔到有驚喜！望完堂食嘅人D麵之後，決定揀麻辣湯底配米線，餸就要魚腐同春卷，因為呢兩樣睇落係最受歡迎嘅。拎住嘅時候已經聞到陣陣麻香，食落湯底果然有驚喜，係有層次嘅麻辣呀！！！雖然個米線麻麻地，但吹咗D湯之後都係好好味嘅！而餸方面，一打開已經覺得非常之開心，因為魚腐同春卷各有三件，仲要大大件，而且係好味嘅，尤其是係個魚腐，吸晒D湯，真係好正！反而個春卷就無乜驚喜！